Maleko 14:54 - Tokelauan New Testament

⁵⁴ Ko Petelu kua taumulimuli mamao atu i tua ma fano ai ki loto o te lōtoā o te fale o te Ulu Ohitāulaga. Ko kinā na nofo ai ki lalo fakatahi ma nā leoleo o te Mālumalu, oi fakamāfanafana i tafa o te afi.

Maleko 14:54 ပူးပေါင်းရင်းမြစ်များ

Mataio 26:3

Oi fakapotopoto ai te kau ohitāulaga hili ma te kau toeaina ki te fale o Kaiafa te Ulu Ohitāulaga,

Mataio 26:58

Ka ko Petelu kua taumulimuli mamao atu i tua ke pa lava ki te lōtoā o te fale o te Ulu Ohitāulaga. Kua fano ki loto o te lōtoā ma nofo ki lalo i te mea e i ei ai nā leoleo o te Mālumalu, kae ke ia kitea pe ko he ā te ka pa ki ei.

Maleko 14:38

Oi vāgana atu ai ia Iehu ki a te ki lātou, “Tautuku lelei ma tatalo ke nahe pa koutou ki ni fakaohoohoga; ko te loto e fofou ki ei, ka ko te tino e vāivai.”

Maleko 14:66

Koi nofo ia Petelu i loto o te lōtoā kae havali ake he kaukauna fafine a te Ulu Ohitāulaga.

Luka 22:44

Ko te popole lahi o tona loto, na ātili ai oi tatalo fakatauanau; ko tona āfu kua vēia ni motimoti toto e pakukū ifo ki te kelekele.

Luka 22:54

Kua puke e ki lātou ia Iehu ma takitaki ki te fale o te Ulu Ohitāulaga; ma ko Petelu kua taumulimuli mamao atu i tua.

Ioane 18:18

Ona ko te mālūlū, na tafu ai he afi malala e nā kaukauna a te Ulu Ohitāulaga ma nā leoleo o te Mālumalu, ma kua tutū fakatāmilo ai i te afi oi fakamāfanafana. Oi fano ai ia Petelu kua tū i te mea e i ei ki lātou, oi fakamāfanafana.

Ioane 18:25

Ko Petelu koi tū lava i kinā, e fakamāfanafana i te afi. Oi lea atu ai iētahi tino ki ei, “E hē ko koe nei tētahi o hoko o te tino tēia?” Kae na fakafiti ia Petelu ma lea vē atu, “Hēai, e hē ko au.”