Maleko 14:49 - Tokelauan New Testament

⁴⁹ I aho uma ko au e fakatahi ma koutou i loto o te Mālumalu ma akoako atu ai e au ia tagata, kae e hēki koutou pukea au i kinā. Kae e fakataunuku lava nā mea kua tūhia i nā Tuhituhiga Paia.”

Maleko 14:49 ပူးပေါင်းရင်းမြစ်များ

Mataio 1:22

Na tutupu nā mea uma iēnei ke taunuku ai te kupu a te Aliki na ala mai i te pelofeta,

Mataio 26:54

Kae kāfai ia au ka kalaga, oi vēhea ai ona fakataunuku te kupu i nā Tuhituhiga Paia, e lea mai ko te mea tēnei e tatau ke tutupu?”

Mataio 26:55

Oi vāgana atu ai ia Iehu ki te kaifenua, “Ko au nei he tino kaihohoa kua ōmamai ai koutou ma nā pelu ma nā pōvai oi puke au? I aho uma ko au e nofo i loto o te Mālumalu ma akoako atu ki tagata, kae e hēki koutou pukea au i kinā.

Mataio 26:56

Kae ko nā mea uma iēnei kua tutupu, kae ke taunuku ai nā mea nā tūhia e te kau pelofeta i loto o nā Tuhituhiga Paia.” Oi tīaki ai ia Iehu e te kau hoko uma, kae fētutuli kehe.

Maleko 10:1

Oi fano kehe ai ia Iehu i te kogāfenua tēnā, kua fano agai ki te itūmālō o Iutea, oi aha ai ki tētahi itū o te vaitafe ko Iolitana. E tokalahi foki he kaifenua kua toe lolofi atu ki ei, oi akoako atu ai ki lātou e ia, e vē lava ko tana māhani.

Maleko 11:27

Kua toe taunuku atu ki lātou ki Ieluhalema. Ma e havalivali ia Iehu i loto o te Mālumalu, kae ōmamai nā ohitāulaga hili, nā faiakoga o te Tūlāfono ma te kau toeaina

Maleko 12:35

Ka koi akoako atu ia Iehu i loto o te Mālumalu, oi fehili vē atu ai, “E vēhea ona lea nā faiakoga o te Tūlāfono ko he lāpuna e o Tavita te ka kavea ma Mehia?

Maleko 14:48

Oi vāgana atu ai ia Iehu ki a te ki lātou, “Ko au nei he tino kaihohoa kua ōmamai ai koutou ma nā pelu ma nā pōvai oi puke au?

Maleko 14:50

Oi tīaki ai ia Iehu e te kau hoko uma kae fētutuli kehe.

Luka 19:47

Nae akoako atu e Iehu ia tagata i te Mālumalu, i nā aho takitahi uma. Na fofou lele nā ohitāulaga hili, nā faiakoga o te Tūlāfono ma nā takitaki o tagata Iutaia, ke tāmate ia Iehu,

Luka 22:37

Auā e lea atu au ki a te koutou, ko te tuhituhiga paia e lea mai, ‘Na faitau fakatahi ia ma nā tino holi tūlāfono,’ e tatau ke taunuku ki a te au, auā ko te mea tēnei na tūhia e uiga ki a te au, e taunuku lava.”

Ioane 10:23

Ko Iehu nae havalivali i loto o te poletito e takua ko te Poletito o Holomona i loto o te Mālumalu,

Ioane 18:20

Kua tali atu ia Iehu, “Ko au e tautala pea lava i mua o tagata; ma ko aku akoakoga e fai lava i loto o nā hūnako ma loto o te Mālumalu, nā mea e fakapotopoto ki ei nā tino Iutaia uma. E hēai he mea kua lea ai au, e mumunia i nā tino.

Ioane 7:37

I te toe aho, ma ko te aho ia e hili ona tāua i nā aho o te Kaiga Fakamanatu, na tū ai ki luga ia Iehu oi tautala leo lahi, kua lea vē atu, “Ko ai lava he tino e fia inu, hau ki a te au, ma

Ioane 8:12

Kua toe vāgana atu ia Iehu ki te kau Falehaio, “Ko au ko te mōlī mo tagata uma o te lalolagi. Ko te tino e mulimuli mai ki a te au, ka hē havali lele i te pōuli, kae ka maua e ia te mālamalama e takitakia ai ki te ola moni.”

Ioane 8:2

I te taeaopōpō o te aho alafaki, na toe fano ai ia Iehu ki te Mālumalu. Kua ōmamai ki a te ia nā tino uma lele, oi nofo ai ki lalo ma kāmata ai oi akoako atu e ia ki lātou.