Maleko 14:39 - Tokelauan New Testament

³⁹ Kua toe fano foki ia Iehu oi tatalo, kua fakaaogā e ia nā kupu lava na tatalo ai muamua.

Maleko 14:39 ပူးပေါင်းရင်းမြစ်များ

Mataio 6:7

“Kāfai koutou e tatalo, nahe koutou fakaaogā ni kupu e lahi e hēai ni uiga e vē ko faiga a tagata nukukehe. E vēakē kāfai e loloa a lātou tatalo oi ka lagona ai ki lātou e o lātou atua.

Maleko 14:38

Oi vāgana atu ai ia Iehu ki a te ki lātou, “Tautuku lelei ma tatalo ke nahe pa koutou ki ni fakaohoohoga; ko te loto e fofou ki ei, ka ko te tino e vāivai.”

Maleko 14:40

Kua toe liliu ia Iehu ki ona hoko, ma na ia maua atu e momoe; kua hē mafai lava ke pupula o lātou mata i te fia momoea. Ma kua hē ki lātou iloa pe ka vēhea ake he lātou tala ki a te ia.

Luka 18:1

Oi fai ai e Iehu he talafakatuha ki ona hoko, ke ki lātou iloa ai e tatau lava ki lātou ke fakamākekeke oi tatalo, ma ke nahe fakavāivai lele.

2 Kolinito 12:8

E fakatolu lava ona tatalo au ki te Aliki e uiga ki te mea tēnei, ma fakatagi atu ki ei ke kave kehe tēnei mea ma au.

Epelu 5:7

I te ōlaga o Iehu i te lalolagi nei, nae tatalo ma ole atu ma te leo lahi ma te maligi o loimata ki te Atua, tē e ia mafaia oi fakahao ia mai te mate. Ona ko Iehu e loto maulalo ma na ofo kātoatoa atu ia mo te Atua, na tali mai ai ki ei te Atua.