Maleko 14:38 - Tokelauan New Testament

³⁸ Oi vāgana atu ai ia Iehu ki a te ki lātou, “Tautuku lelei ma tatalo ke nahe pa koutou ki ni fakaohoohoga; ko te loto e fofou ki ei, ka ko te tino e vāivai.”

Maleko 14:38 ပူးပေါင်းရင်းမြစ်များ

Mataio 24:42

“Koutou la ke mataala, auā e hē koutou iloa pe ko he ā te aho ka hau ai te koutou Aliki.

Mataio 25:13

Kua fakauma te tautalaga a Iehu, oi lea vē atu ai, “Koutou la ke mataala, auā e hē koutou iloa te aho pe ko te itūlā.

Mataio 26:41

Tautuku lelei ma tatalo ke nahe maua koutou i ni fakaohoohoga; ko te loto e fofou ki ei, ka ko te tino e vāivai.”

Mataio 6:13

Ma nahe takitakia ki mātou ki nā fakaohoohoga, kae laveaki ki mātou mai te kino.’

Maleko 14:34

Oi vāgana atu ai ki a te ki lātou, “Ko au e vē he tino ka oti, i te fakanoanoa lahi o toku loto. Nonofo i kinei ma tautuku, nā he tino e hau.”

Maleko 14:37

Kua toe foki mai ia Iehu, ma na ia maua mai ona hoko e toka tolu e momoe. Oi lea atu ai ki a Petelu, “Himona, ko koe e moe? E hē kē lavā lele oi ala i he itūlā lava e fokotahi?”

Maleko 14:39

Kua toe fano foki ia Iehu oi tatalo, kua fakaaogā e ia nā kupu lava na tatalo ai muamua.

Luka 21:36

Mataala la i taimi uma ma tatalo ke maua e koutou te mālohi, ke hōhola kehe ai koutou mai nā mea uma iēnei ka tutupu, ma ke tutū ai koutou i mua o te Ataliki o te Tagata.”

Luka 22:40

Kua pa atu ia ki ei, oi lea atu ai ki ona hoko, “Tatalo ke nahe maua koutou i ni fakaohoohoga.”

Luka 22:46

Oi lea vē atu ai ki ei, “He ā te momoe ai koutou? Nonofo ki luga oi tatalo ke nahe pa koutou ki ni fakaohoohoga”

1 Kolinito 16:13

Koutou ke mataala, tūmau i te fakatuatua, loto tetele ma fakamākekeke.

Kalatia 5:17

Auā ko te mea e fofou ki ei to tātou natula fakatetagata, e teteke ki te mea e fofou ki ei te Agaga, ma ko nā mea e fofou ki ei te Agaga, e teteke ki ei to tātou natula fakatetagata. Ko nā mea iēnei e lua e fetekeaki tētahi ki tētahi, ma ko tona uiga e hē koutou mafaia oi fai he mea e fofou koutou ki ei.

Filipi 2:12

Ko te mea ia te kau uho pele, e vē ona uhitaki mai koutou ki a te au i taimi uma nae māfuta fakatahi ai ki tātou, ka hili atu la te tāua ke uhitaki mai koutou ki a te au i te taimi tēnei e hē i kinā ai au ma koutou. Ke tūmau pea te koutou gālulue i te mataku ma te gatete, ke kātoatoa ai te koutou fakaolataga,

1 Petelu 5:8

Koutou ke mataala ma kikila fakalelei! Ko te fili o koutou, te Tiāpolo, e eva ma taukekē e vē he leona, oi hakili he tino ke ia kaia.

Fakaaliga 3:10

Ona ko koe kua mulimuli ki taku fakatonuga ke onohai, ka kō puipuia ai foki la koe ke haogalēmū kāfai e pa ki te taimi e maua ai te lalolagi i nā puapuagā, ke tofotofo ai ia tagata uma i te lalolagi.