Maleko 14:26 - Tokelauan New Testament

²⁶ Kua uma te uhu o te lātou pehe e viviki ake ai ki te Atua, oi olo ai ki te Mauga o Ōlive.

Maleko 14:26 ပူးပေါင်းရင်းမြစ်များ

Mataio 21:1

Kua agai atu ia Iehu ma ona hoko ki Ieluhalema, ma tau atu ai ki he kakai e igoa ki a Petehake, e pili ki te Mauga o Ōlive. I kinā na uga ai e Iehu ni hoko e toka lua ke muamua

Mataio 26:30

Kua uma te uhu o te lātou pehe e viviki ake ai ki te Atua, oi olo ai ki te Mauga o Ōlive.

Maleko 14:25

E lea atu au ki a te koutou, ka hē toe inu lele au ki te uaina tēnei, heiloga kua pa ki te aho e inu ai au i te uaina fou, i te Mālō o te Atua.”

Luka 22:39

Kua fano kehe ia Iehu mai te kakai, oi fano ai ki te Mauga o Ōlive, e vē lava ko te mea kua māhani ai ia; ma na mulimuli atu ki a te ia ono hoko.

Ioane 18:1

Kua uma te tatalo a Iehu, oi olo ai ma ona hoko kui atu i he vanu e igoa ko Kitelona. E i ei i kinā he fatoaga, oi olo ai ki loto.

Gāluega 16:25

I te taimi pe ko te vaeluapō, ko Paulo ma Hila e uhu a lā pehe halamo e viviki ai ki te Atua, ka ko iētahi pagotā e fakalogologo ki ei.

1 Kolinito 14:15

He ā la te tatau ke kō faia? Ka tatalo au i toku agaga ma tatalo foki au i toku māfaufau; ka pehe au i toku agaga, ma ka pehe foki au i toku māfaufau.

Kolohe 3:16

Ko te fekau a Keliho e tatau ke mau i loto ia te koutou, ma fakaaogā te poto ke akoako ma akoaki ai tētahi e tētahi. Lagi nā halamo, nā pehe e uiga ki te ola fakateagaga; pepehe atu ki te Atua ma outou loto fakafetai.

Iakopo 5:13

E i ei ni tino o koutou e maua i ni mafatiaga? E tatau koutou ke tatalo ki te Atua. E i ei ni tino o koutou e fiafia? E tatau koutou ke pepehe i nā viviki ki te Atua.

Fakaaliga 5:9

Na uhu te lātou pehe fou e vē: “E ia te koe te pule ke kave ai te tuhitākai ma ke tatala ona fakamaufakailoga. Auā ko koe na tāmate, ma ko tō toto na totogi ai nā tino ke haoloto ke kavea ki lātou mo te Atua, nā tino mai nuku uma, mai gagana uma, mai mālō uma, mai lanu uma.