Maleko 14:20 - Tokelauan New Testament

²⁰ Kua lea mai ia Iehu, “Ko he tino lava e o te koutou toka hefululua, te tino e lolō tana falaoa ki loto o te ipu fakatahi ma au.

Maleko 14:20 ပူးပေါင်းရင်းမြစ်များ

Mataio 26:23

Kua tali mai ia Iehu, “Ko te tino e lolō tana falaoa ki loto o te ipu fakatahi ma au, ko ia tēnā te ka ia fakalatagia au.

Mataio 26:47

Ka koi tautala ia Iehu, kae pa mai ia Iuta, tētahi o te kau hoko e toka hefululua. Na ōmamai fakatahi ma he kaifenua o tagata e tokalahi ma nā pelu ma nā pōvai, na uga mai e te kau ohitāulaga hili ma te kau toeaina.

Maleko 14:19

Na lagona e te kau hoko te fakanoanoa oi kāmata ai oi fehili tau tokatahi ki lātou ki a Iehu vēnei, “E hē ko au ni, te lea ai koe?”

Maleko 14:21

Auā ko te Ataliki o te Tagata e oti lava e vē oi lea mai ai nā Tuhituhiga Paia, kae hāloa la te tino e ia fakalatagia te Ataliki o te Tagata! Na hili lele atu mo te tino tēnā, anei ake e hēki fānau mai ki te lalolagi!”

Maleko 14:43

Ka koi tautala atu ia Iehu, kae pa mai ia Iuta, tētahi o te kau hoko e toka hefululua. Na ōmamai fakatahi ma he kaifenua o tagata ma nā pelu ma nā pōvai, na uga mai e te kau ohitāulaga hili, nā faiakoga o te Tūlāfono ma te kau toeaina.

Luka 22:47

Ka koi tautala atu ia Iehu kae pa mai he kaifenua, e takitaki mai e Iuta, tētahi o te kau hoko e toka hefululua. Kua hau ki tafa o Iehu ke hogi ia ki ei.

Ioane 13:26

Kua tali mai ia Iehu, “Ko te tino ka fōki e au ki ei te mea falaoa kāfai e uma te kō lolōa ki loto o te ipu, ko ia tēnā.” Oi tago ai ki te mea falaoa, kua lolō ma foki ki a Iuta, te ataliki o Himona Ihikaliota.

Ioane 6:71

Ko Iehu nae tautala e uiga ki a Iuta, te ataliki o Himona Ihikaliota. E ui lava ko Iuta ko hētahi o te toka hefulu lua, kae ka fakalata e ia ia Iehu.