Maleko 14:11 - Tokelauan New Testament

¹¹ Na fiafia lele nā ohitāulaga hili i te ki lātou lagonaga o te mea kua lea ake ai ia Iuta. Na fai ai te lātou folafolaga ka ki lātou totōgia ia Iuta i ni tupe. Ma na kāmata ai loa oi tautuku e Iuta he avanoa, ke ia tukulima atua ai ia Iehu ki a te ki lātou.

Maleko 14:11 ပူးပေါင်းရင်းမြစ်များ

Mataio 26:14

Oi fano ai tētahi o te kau hoko e toka hefululua — ko Iuta Ihikaliota tona igoa, ki nā ohitāulaga hili,

Mataio 26:15

ma fehili vē atu ki ei, “He ā te koutou fōki maia kāfai e kō tukulima atua ki a te koutou ia Iehu?” Oi totogi ai e ki lātou ia Iuta i nā tupe hiliva e toluhefulu.

Maleko 14:10

Oi fano ai ia Iuta te Ihikaliota, he tino o te kau hoko e toka hefululua, ki nā ohitāulaga hili oi lea ki ei e ia mafaia oi fakalata ia Iehu, kae ke mafai ai oi puke e ki lātou.

Maleko 14:12

I te aho muamua o te Kaiga Fakamanatu o te Falaoa Hē Fakafefetea, ko te aho ia e tāmate ai nā punuamāmoe mo te Pāheka, na fehili vē atu te kau hoko ki a Iehu, “Ko fea te fofou koe ke hāuni ai e ki mātou te kaiga o te Pāheka mo koe?”

Luka 22:3

Oi ulufia ai e Hātani te loto o Iuta te Ihikaliota, he tino o te kau hoko e toka hefululua.

1 Timoteo 6:10

Auā ko te mānumanu ki te tupe, ko te pogai ia o nā mea kino uma. Ko te mānumanu ki te tupe kua ala ai oi olo kehe iētahi tino mai to lātou talitonuga, ma kua tuia ai o lātou fatu i te lahi o mea tīgā.

Iuta 1:11

Kai te fakaalofa lele o ki lātou auā kua mulimuli ki te auala na kui ai ia Kaino. Kua fakatakitaki ki te mea hehē a Palaama na fai, kae ke lahi ai ni a lātou tupe e maua. Kua fakatuikehe ki lātou e vē ko te fakatuikehe o Kola, ma e fakaumatia ki lātou e te Atua, vē foki lava ko te mea na pa ki a Kola.