Maleko 13:8 - Tokelauan New Testament

⁸ Ka hiki taua tētahi fenua ki tētahi fenua, ma tētahi mālō tētahi mālō. Ka i ei nā mafuie i nā koga kehekehe uma, ma ka i ei nā oge. Ko nā mea iēnei e vē lava ko nā tīgā muamua o he fafine e fānau.

Maleko 13:8 ပူးပေါင်းရင်းမြစ်များ

Mataio 24:8

Ko nā mea uma iēnei e vē lava ko nā tīgā muamua o he fafine e fānau.

Maleko 13:7

Ma kāfai e lagona e koutou te faitapiha mai o nā taua e pili mai ma nā fakamatalaga e uiga ki ni taua i nā mea mamao, ia koutou nahe mātataku. Ko nā mea iēnei e tatau lava ke tutupu, kae e hē vēake ai la ko te ikuga kua pa mai.

Maleko 13:9

“Koutou lava ke kikila lelei. Ko koutou ka puke ma kave ki te fakamahinoga. Ka kini i loto o nā hūnako; ka tutū i mua o nā kōvana ma nā tupu ona ko au, ke fakailoa atu ki a te ki lātou te Tala Lelei.

Gāluega 11:28

Ko tētahi o ki lātou iēnei ko Akapo, na tū ki luga ma fai tana vāloaga e ala i te mana o te Agaga Paia, ko he oge lahi e tuku e pa mai ki te lalolagi kātoa. (Na tupu te oge tēnei i nā aho o te pūlega a te Kaihala Kalautiona.)

1 Tehalonia 5:3

Kāfai ia tagata e lea vē, “Ko mea uma kua totoka lelei ma haogalēmū,” kae nā lava e teki kua pakē he mea ma fakatāugā ai ki lātou! E fakafuaheki lele te pa mai e vē ko nā tīgā o he fafine kua fakatīgā i te taimi ka fānau ai, ma ka hēai lele he tino e hao mai ai.

Fakaaliga 6:4

Oi hau ai ki fafo hētahi holofanua, e lanu kukula. Kua tuku atu ki te tino e tiketike ai, te pule ke ia kaumaia ai te taua ki te lalolagi, kae ke tāmate ai e tētahi tino tētahi tino. Na tuku atu ki a te ia he pelu lahi.