Maleko 13:33 - Tokelauan New Testament

³³ Koutou la ke mataala, auā e hē koutou iloa pe ko āfea e pa mai ai te taimi.

Maleko 13:33 ပူးပေါင်းရင်းမြစ်များ

Mataio 25:13

Kua fakauma te tautalaga a Iehu, oi lea vē atu ai, “Koutou la ke mataala, auā e hē koutou iloa te aho pe ko te itūlā.

Maleko 13:23

Koutou la ke mataala! Kua fakailoa atu e au ki a te koutou nā mea uma ka ko hēki pa mai te taimi.

Luka 12:40

Ko koutou foki la e tatau ke nonofo hāuni, auā ko te Ataliki o te Tagata e hau i he taimi e hē manatu koutou e hau ai.”

Loma 13:14

Kae tātou hiki ake nā meatau a te Aliki ko Iehu Keliho, ma nahe ki tātou toe manatu ki nā uiga mātagā fakatetagata ma te fakamaliega o ona tuinanauga.

1 Kolinito 16:13

Koutou ke mataala, tūmau i te fakatuatua, loto tetele ma fakamākekeke.

Efeho 6:18

Fai nā mea uma iēnei i te tatalo, e gogō atu ai ki te fehoahoani a te Atua. Tatalo i taimi uma ma mulimuli ki te mea e lea atu ai te Agaga. Ko te mea la ia, koutou ke mataala ma nahe fakavāivai lele, kae tatalo pea lava mo tagata uma o te Atua.

Kolohe 4:2

Tatalo pea lava ma mataala i nā taimi e tatalo ai koutou, ma hiki ake te fakafetai ki te Atua.

Epelu 12:15

Tautuanā e hēai he tino e liliu kehe mai te alofa tūnoa o te Atua. Nahe i ei lele he tino e vē he lākau kona e tupu ake ma fai ma fakafītāuli ona ko tona kona.

1 Petelu 4:7

Kua pili mai te ikuga o mea uma. E tatau ai la koutou ke pūlea ma mataala, kae ke mafai koutou ke tatalo.

1 Petelu 5:8

Koutou ke mataala ma kikila fakalelei! Ko te fili o koutou, te Tiāpolo, e eva ma taukekē e vē he leona, oi hakili he tino ke ia kaia.

Fakaaliga 16:15

Kua vāgana te Aliki, “Kikila, ko au e hau e vē he tino kaihohoa! Amutia te tino e hē moe lele kae kikila lelei ona lavalava kae ke nahe havali telefua lele ma māhiahi ai i mua o tagata!”

Fakaaliga 3:2

Āla la ki luga ma gālulue ke fakamautū nā mea koi ia te koutou ka ko hēki mou kehe uma atu. Auā kua kō kitea ko nā mea a koutou kua uma te fai, ko hēki kātoatoa te lelei i te kikila a toku Atua.