Maleko 13:23 - Tokelauan New Testament

²³ Koutou la ke mataala! Kua fakailoa atu e au ki a te koutou nā mea uma ka ko hēki pa mai te taimi.

Maleko 13:23 ပူးပေါင်းရင်းမြစ်များ

Mataio 24:25

Fakalogo lelei mai koutou! Ko au kua lea atu i nā mea iēnei, ka ko hēki pa ki te taimi e tutupu ai.

Mataio 7:15

“Koutou ke fakaeteete i nā pelofeta pepelo: e ōmamai ki a te koutou e fōliga e vē ni māmoe i te kikila atu i fafo, kae ko loto, e vē lava ni luko fekai.

Maleko 13:22

Auā ka ōmamai nā Keliho pepelo ma nā pelofeta pepelo. Ka ki lātou faia ni vāvega ma ni mea ofoofogia ke fakahehē ai ia tagata, ke pa lava ki tagata kua filifilia e te Atua, pe kāfai e mafai.

Maleko 13:24

“I nā aho kāfai ka uma nā fakahāuāga, ka gaholo loa e pōuli te la, ka hē toe huhulu te māhina,

Maleko 13:33

Koutou la ke mataala, auā e hē koutou iloa pe ko āfea e pa mai ai te taimi.

Maleko 13:5

Oi lea atu ai ia Iehu ki a te ki lātou, “Koutou ke mataala kae ke nahe fakahehēa ai koutou e he tino.

Maleko 13:9

“Koutou lava ke kikila lelei. Ko koutou ka puke ma kave ki te fakamahinoga. Ka kini i loto o nā hūnako; ka tutū i mua o nā kōvana ma nā tupu ona ko au, ke fakailoa atu ki a te ki lātou te Tala Lelei.

Luka 21:34

“Kae ia koutou ke mataala, nā ia koutou ka tuahā lahi ki nā faigākai ma nā īnuga vēnā ma popōlega o te ōlaga, kae maua mai koutou e te Aho tēnā

Luka 21:8

Oi lea atu ai ia Iehu, “Koutou ke mataala kae ke nahe fakahehēa ai koutou; auā e tokalahi nā tino ka ōmamai i toku igoa, ma lea vē atu, ‘Ko au ko te Mehia!’ ma, ‘Kua pa ki te taimi!’ Kae ia koutou nahe mulimuli ki ei.

Ioane 14:29

Ko au kua lea atu nei ki a te koutou i nā mea uma iēnei ka ko hēki tutupu, kae ke talitonu mai ai koutou ki a te au, kāfai e pa ki te taimi e tutupu ai.

2 Petelu 3:17

Kae ko koutou te kau uho pele, kua uma te koutou iloa o te mea tēnei. Koutou la ke mataala, kae ke nahe tataki kehea ai koutou i nā hehē o tagata hē tauhi ki te tūlāfono, ma hē toe mautū lelei ai koutou.