Maleko 13:10 - Tokelauan New Testament

¹⁰ Auā ko te Tala Lelei e tatau ke mua tālaki ki mālō uma, ka ko hēki pa mai te ikuga o te lalolagi.

Maleko 13:10 ပူးပေါင်းရင်းမြစ်များ

Mataio 12:41

I te Aho Fakamahino, ka tutū mai ia tagata o Nineva ma mōlia koutou, auā na liliu kehe ki lātou mai a lātou agahala i te ki lātou lagonaga o te fekau a Iona; ma e lea atu au ki a te koutou, kua i kinei he mea e hili atu te tāua i lo Iona!

Mataio 24:14

Ma ko te Tala Lelei tēnei e uiga ki te Mālō o te Atua, ka tālaki atu ki te lalolagi kātoa ke fai ma fakamāoniga ki mālō uma oi fātoā pa mai ai loa te gataaga.

Maleko 16:15

Oi vāgana atu ai ki a te ki lātou, “Olo ki itū uma o te lalolagi oi tālaki atu te Tala Lelei ki tagata uma.

Loma 1:8

Muamua, ko au e fakafetai ki toku Atua mo koutou uma lele e ala ia Iehu Keliho, auā ko te koutou fakatuatua kua iloa e te lalolagi kātoa.

Loma 10:18

Kae ko au la e fehili: E moni nei ko hēki fakalogo ki lātou ki te fekau? Ko te meamoni, kua lagona e ki lātou — auā e lea mai te tuhituhiga paia: “Ko o lātou leo kua halalau ki te lalolagi kātoa; ko a lātou kupu kua pa ki nā pito uma o te lalolagi.”

Loma 15:19

i te mana o nā vāvega ma nā mea ofoofogia, ma i te mana o te Agaga o te Atua. Ma kua uma te tālaki e au te Tala Lelei ki a Keliho, e kāmata mai i Ieluhalema ke pa ki Ilulikou.

Kolohe 1:23

Ko koutou la e tatau ke tūmau i te fakavae o te koutou fakatuatua, ma ke nahe māluelue lele mai te fakamoemoe na maua e koutou i te koutou lagonaga o te Tala Lelei. E mo te Tala Lelei tēnei kua kavea ai ia au tēnei ko Paulo, ma kaukauna — te Tala Lelei tēia kua folafola ki tagata uma o te lalolagi.

Kolohe 1:6

E kaumai pea lava e te Tala Lelei nā fakamanuiaga, ma e halalau ki te lalolagi kātoa, e vē foki lava ko te mea na pa koutou ki ei, talu mai te aho muamua na koutou lagona ai e uiga ki te alofa tūnoa o te Atua, ma iloa lelei ai e koutou tona uiga moni.

Fakaaliga 14:6

Oi kō kitea atu ai hētahi agelu e lele maualuga ake i te vānimonimo ma he fekau e uiga ki he Tala Lelei e tūmau pea ke pa ki te fakavavau, ke folafola ki tagata uma o te lalolagi, ki lanu uma, ki nuku uma, ki gagana uma ma mālō uma.