Maleko 12:33 - Tokelauan New Testament

³³ E tatau koe ke alofa ki te Atua ma tō loto kātoa, ma tō māfaufau kātoa, ma tō mālohi kātoa, ma alofa ki tō tuākoi e vē ona alofa koe ki a te koe lava. E hili atu te tāua o te uhitaki ki nā fakatonuga iēnei e lua, i lo te fai o nā tāulaga mu i nā manu ma iētahi itūkāigā tāulaga ki te Atua.”

Maleko 12:33 ပူးပေါင်းရင်းမြစ်များ

Mataio 12:7

E lea mai te tuhituhiga paia, ‘Ko te agalelei te fofou au ki ei, kae hē ko nā tāulaga e fai i nā manuvaefa.’ Ka na iloa lelei e koutou te uiga o te mea tēnei, e hēki fakahalagia e koutou nā tino e hēai ni a lātou holi tūlāfono;

Mataio 9:13

Olo oi hakilikili te uiga o te kupu a te Atua i te tuhituhiga paia e vē mai, ‘Ko te mea e fofou au ki ei, ko koutou ke agalelei tētahi ki tētahi, kae e hē ko autou tāulaga mu e fai mai ki a te au i nā manuvaefa.’ Ko au e hēki hau ke kalaga ki nā tino e fakaaloalogia, kae ki nā tino e inohia e tagata.”

Epelu 10:8

Na lea muamua vē ia Keliho, “Ko koe e hē fofou ma hē fiafia ki nā tāulaga ma nā meaalofa, pe ko nā manu e mu i luga o te fata faitāulaga, ma nā tāulaga ke kave kehe ai nā agahala.” Na lea vēnei, e ui lava ko nā tāulaga uma lele, e ofo ake ki te Atua e tuha ai ma te Tūlāfono.