Maleko 12:31 - Tokelauan New Testament

³¹ Ko tona lua o fakatonuga e pito hili te tāua, ko tēnei: ‘Alofa ki tō tuākoi e vē ona alofa koe ki a te koe lava.’ E hēai hētahi fakatonuga e hili atu te tāua i lo nā fakatonuga iēnei e lua.”

Maleko 12:31 ပူးပေါင်းရင်းမြစ်များ

Mataio 22:39

Ko tona lua o fakatonuga e pito hili te tāua e vēnei; ‘Alofa ki tō tuākoi e vē ona alofa koe ki a te koe lava.’

Mataio 7:12

“Ko nā mea e fofou koutou ke fai e iētahi tino ki a te koutou, ke vēnā foki lava ona fai e koutou ki a te ki lātou; auā ko tēnei te uiga o te Tūlāfono a Mohe ma nā akoakoga a te kau pelofeta.

Maleko 12:32

Kua lea atu te faiakoga o te Tūlāfono ki a Iehu, “E hako lelei lava koe, te Faiakoga. E hako lava tau lea mai, ko te Aliki ko ia oioti lava te Atua, e hēai hētahi atua kae nā ko ia lava oioti.

Luka 10:27

Kua tali atu te tino, “ ‘Alofa ki te Aliki tō Atua ma tō loto kātoa, ma tō agaga kātoa, ma tō mālohi kātoa, ma tō māfaufau kātoa’; ma ‘Alofa ki tō tuākoi e vē oi alofa koe ki a te koe lava.’ ”

Kalatia 5:14

Auā ko te Tūlāfono kātoa e aofia i loto o te fakatonuga e fokotahi: “Alofa ki tō tuākoi e vē oi alofa koe ki a te koe lava.”

1 Ioane 4:21

Ko te fakatonuga kua tuku mai e Keliho ki a te ki tātou ko tēnei: ko ai lava e alofa ki te Atua e tatau ke alofa foki ki o lātou uho ma o lātou tuafafine.