Maleko 12:24 - Tokelauan New Testament

²⁴ Kua tali atu ia Iehu ki a te ki lātou, “Kai te hehē lele o koutou! E koutou iloa pe aiheā? E māfua ona e hē koutou iloa nā Tuhituhiga Paia ma te mālohi o te Atua.

Maleko 12:24 ပူးပေါင်းရင်းမြစ်များ

Mataio 22:29

Kua tali atu ia Iehu ki a te ki lātou, “Kai te hehē lele o koutou! E māfua ona e hē koutou iloa nā Tuhituhiga Paia ma te mālohi o te Atua.

Maleko 10:27

Kua kikila hako atu ia Iehu ki a te ki lātou ma tali vē atu, “Ko te mea tēnei e matuā hē mafai lava e tagata kae e mafai e te Atua, auā e hēai he mea fokotahi e hē mafai e te Atua.”

Maleko 12:23

Kāfai la nā tino oti ka toe tutū mai i te aho o te toetū, ko ai te ka e a ia te āvaga? Ko te toka fitu uma tēnei na fakaipoipo ki te fafine”

Maleko 12:25

Auā kāfai nā tino oti e toe tutū mai te oti, ka vē ki lātou ko nā agelu i te lagi ma ka hē fakaipoipo ki lātou.

Luka 1:37

Auā e hēai he mea e fokotahi e hē mafai e te Atua.”

Ioane 20:9

Ko hēki mālamalama lelei ki lāua i te tuhituhiga paia na lea mai e tatau ia ke toe tū mai i te oti.)

Ioane 5:39

E hukehuke koutou ki nā Tuhituhiga Paia ona e vēake koutou, ko te mea ia ka maua ai e koutou te ola e fakavavau. Ko nā Tuhituhiga Paia foki lava iēnei te molimau e uiga ki a te au,

Gāluega 17:11

Na hili atu te tali aloakia o ki lāua e nā tino i kinā, i lo nā tino i Tehalonika. Na fakalogologo ki lātou ki te fekau ma te loto naunau lahi, ma nae hukehuke e ki lātou nā Tuhituhiga Paia i aho uma, ke ki lātou iloa ai pe moni te mea e lea ai ia Paulo.

Loma 15:4

Ko nā mea uma kua tūhia i nā Tuhituhiga Paia, na tūhia ke akoako ai ki tātou, kae ke maua ai e ki tātou te fakamoemoe, e ala i te onohai ma te fakamālohi, e ki tātou maua mai i nā Tuhituhiga Paia.

Efeho 1:19

ma te uiga kehe o te lahi o tona mana e galue i loto ia te ki tātou kua talitonu. Ko te mana e galue i loto ia te ki tātou, e tutuha lava ma te mālohi lahi

Filipi 3:21

Ka hui e ia o tātou tino e pala ke vē ko tona tino mamalu, ma ko tona mana e ia mafaia ai oi tuku ia mea uma ki lalo o tana pule.