Maleko 12:14 - Tokelauan New Testament

¹⁴ Kua lea vē atu ki lātou ki a Iehu, “Te Faiakoga, e iloa e ki mātou ko koe e tautala i te meamoni, e aunoa ma he popole pe vēhea ake ia manatu o tagata. E hē kē amanakia he tino ona ko hona tūlaga, kae e akoako lava e koe te meamoni e uiga ki te finagalo o te Atua mo tagata. Lea mai ake, e fakataga i te tātou Tūlāfono ke totogi nā lāfoga ki a Kaihala? E tatau nei ke totogi e ki tātou pe hēai?”

Maleko 12:14 ပူးပေါင်းရင်းမြစ်များ

Mataio 22:16

Oi uga ai e ki lātou ki a Iehu ni tino o nā hoko o ki lātou fakatahi ma ni tino o te vāega e kau ki a Helota. Kua fehili atu ki lātou iēnei ki a Iehu, “Te Faiakoga, e iloa e ki mātou ko koe e tautala i te meamoni. E akoako e koe te meamoni e uiga ki te finagalo o te Atua mo tagata, ma e hē popole lele koe pe i na vēhea ake ni manatu o tagata, auā e tutuha ia tagata uma ia te koe.

Mataio 22:17

Lea mai ake la pe he ā hō lagona? E fakataga i te tātou Tūlāfono ke totogi nā lāfoga ki a Kaihala pe hēai?”

Maleko 12:13

Kua uga atu ni tino o te kau Falehaio ma ni tino o te vāega e kau ki a Helota, ke tau lamalama ia Iehu i ni fehili.

Maleko 12:15

Ka kua hāfia e Iehu te lātou togafiti oi tali vē atu ai ki ei, “He ā te tau lamalama ai koutou ki a te au? Kaumai he tupe hiliva ke kikila au ki ei.”

Maleko 14:45

Na pa mai lava ia Iuta oi fano ai loa ki a Iehu ma lea vē atu ki ei, “Te Faiakoga!” ma hogi atu ki ei.

Luka 20:22

Lea mai ake, e fakataga i te tātou Tūlāfono ke totogi e ki tātou nā lāfoga ki a Kaihala pe hēai?”

Luka 23:2

ma ko kinā na kāmata ai oi mōlia e ki lātou ia Iehu ki a Pilato. Kua lea vē atu ki lātou, “Na maua e ki mātou te tino tēnei, e fakahehē e ia o mātou tagata. Na lea ki ei ke nahe totōgia a lātou lāfoga ki a Kaihala, ma ko ia ko te Mehia, ko he tupu.”

Ioane 7:18

Ko te tino e tautala i tana lava pule, e ia hakilia ni ona lava vīkiga. Ka ko te tino e ia hakilia he vīkiga mo tē na ia uga maia ia, e hako lava ia, ma e hēai he mea e fokotahi e hehē ai.

Loma 13:6

Ko te mea foki ia e totogi ai autou lāfoga, auā ko te mālō e galue mo te Atua kāfai e fakatino uma o lātou tiute.

2 Kolinito 2:17

Ko ki mātou e hē vē ko te tokalahi o iētahi tino; e folafola e ki lātou te fekau a te Atua kae ke maua ai ni a lātou tupe; kae ona ko ki mātou na uga mai e te Atua, ko ki mātou e tautatala ma te fakamāoni i mua o te Atua, e ala ia Keliho.

2 Kolinito 2:2

Auā kāfai e kō fakatupua te loto tīgā ia te koutou, ko ai nei la he tino ke ia fakafiafiagia mai au, kae ko koutou lava iēnā na hē fiafia ona ko au?

2 Kolinito 4:1

Ko te alofa tūnoa o te Atua kua tuku mai ai e ia tana gāluega ke fai e ki mātou, oi ko ki mātou e hē fakavāivai lele.

2 Kolinito 5:11

Kua iloa e ki mātou te mea e takua ko te mataku i te Aliki, ma ko te mea ia e fakamālohi atu ai ki mātou ki iētahi tino. Kua iloa lelei e te Atua ki mātou, ma e fakamoemoe ka vēnā foki oi iloa au e koutou i outou loto.

2 Kolinito 5:16

Ko te mea ia, e kāmata atu nei, e hē toe ki tātou fakamahinoa he tino, i te kikilaga fakatetagata. E ui lava na i ei te taimi na ki tātou fakamahinoa ai ia Keliho i te kikilaga fakatetagata, kae kua hē toe fai vēnā e ki tātou nei.

Kalatia 1:10

Ko au e hē lea vēnei atu ona ko au e fofou ki te mea e fiafia ai ia tagata. Hēai! Ko te mea e fofou au ki ei, ko te mea e fiafia ki ei te Atua. Ko au e hē taumafai ke fiafia mai ia tagata ki a te au. Kāfai ko tēnei te mea e fai e au, ko au la e hē ko he kaukauna e a Keliho.

Kalatia 2:6

Ko iētahi o ki lātou nae lea ko ki lātou ni takitaki — ko au e lea vēnei atu auā e hē tāua ia te au pe ko ai ki lātou iēnei; ko te Atua e hē fakamahino i te kikila atu i fafo — ko ki lātou iēnei e lea atu au, e hēki fakaopoopoa lele he lātou mea fou e fokotahi ki te Tala Lelei e kō tālakia.

1 Tehalonia 2:4

Kae ko ki mātou e tautatala lava i te mea e fofou ki ei te Atua, auā kua uma te ia fakatagagia o ki mātou, ke tālakia te Tala Lelei. E hē taumafai ki mātou ke fai te mea e fiafia ki ei ia tagata, kae ko te mea e fiafia ki ei te Atua, tē e ia kiteagia nā mea i o mātou loto.