Maleko 11:32 - Tokelauan New Testament

³² Kae kāfai ki tātou e lea, ‘E mai tagata…’ ” (Nae mātataku ki lātou i nā tino, auā e talitonu uma nā tino, ko Ioane ko he pelofeta moni lava.)

Maleko 11:32 ပူးပေါင်းရင်းမြစ်များ

Mataio 11:9

Lea mai ake, he ā te na olo koutou ke kikila ki ei? He pelofeta? Io e hako, ka ko te tino na koutou kiteagia e hili atu tona tāua i lo he pelofeta.

Mataio 14:5

Nae fofou lele ia Helota ke tāmate ia Ioane ka nae mataku i nā tino Iutaia, auā nae manatu ki lātou, ko Ioane ko he pelofeta.

Mataio 21:46

oi taumafai ai loa ki lātou ke puke ia Iehu. Kae nae mātataku i te kaifenua, auā ko nā tino e talitonu lava, ko Iehu ko he pelofeta.

Maleko 11:31

Kua kāmata oi fai fīnauga ki lātou ma lea vē tētahi ki tētahi, “Kāfai ki tātou e lea, ‘E mai te Atua,’ ka lea mai nei, ‘He ā la te hēki talitonu ai koutou ki a Ioane?’

Maleko 11:33

Oi tali atu ai loa vēnei ki lātou ki a Iehu, “E hē ki mātou iloa.” Oi vāgana atu ai ia Iehu ki a te ki lātou, “Ka hē kō taku atua foki la ki a te koutou, pe āi te pule e kō faia ai nā mea iēnei.”

Maleko 12:12

Na taumafai nā takitaki o Iutaia ke puke ia Iehu auā kua ki lātou hāfia, ko te talafakatuha tēnei na fai fakatatau ki a te ki lātou. Kae nae mātataku i te kaifenua, oi na tuku ai e ki lātou ia Iehu ka kua olo kehe.

Maleko 6:20

Ko Helota nae mataku ia Ioane, ona na ia iloagia ko he tino āmiotonu ma mālohi tona fakatuatua ki te Atua, ko te mea ia nae ia kikila lelei ai ke nahe i ei he mea e tupu ki ei. Nae fiafia lele oi fakalogologo ki a Ioane e ui lava e ia lagona te popole o tona loto i taimi uma e ia lagona ai ia Ioane e tautala.

Luka 20:19

Na taumafai nā faiakoga o te Tūlāfono ma nā ohitāulaga hili, ke puke fakapagotā ia Iehu i te taimi lava tēnā, auā kua ki lātou hāfia ko te talafakatuha tēnei na fai fakatatau ki a te ki lātou; kae nae mātataku i nā tino.

Luka 22:2

Ko nā ohitāulaga hili ma nā faiakoga o te Tūlāfono nae mātataku i tagata, ko te mea ia nae hakilikili ai e ki lātou he auala ke tāmate munimuni ai ia Iehu.

Ioane 10:41

E tokalahi nā tino na ōmamai ki a te ia, ma nae lea vē ki lātou, “E hēki faia e Ioane ni fakailoga, kae ko nā mea uma lele na lea mai ai e uiga ki te tino tēnei, kua hako lava.”

Gāluega 5:26

Na olo ai loa te takitaki o nā leoleo ma tana vāega oi toe kaumai te kau apohitolo. Kae e hēki ki lātou honafaia te kau apohitolo ona e mātataku nā ki lātou e fetogia e tagata.