Maleko 11:20 - Tokelauan New Testament

²⁰ I te taeaopō o te aho na hohoko ai, e havavali atu i te auala kae ki lātou kitea te mati kua mate kātoa ke pa ki nā aka.

Maleko 11:20 ပူးပေါင်းရင်းမြစ်များ

Mataio 13:6

Kae i te fanakega o te la ki luga, na velahia ai nā tamā lākau ma e hēki mataloa kae kāmata oi magumagu, auā ko nā aka e hēki ola lahi ki lalo.

Mataio 15:13

Ka kua tali mai ia Iehu, “Ko nā lākau uma e hēki totōa e toku Tamana i te lagi ka laga uma ki luga.

Mataio 21:18

Kua toe foki ifo ia Iehu ki te kakai i te taeao alafaki, ma na lagona e ia te fia kaia.

Maleko 11:12

I te aho alafaki, kua toe liliu ifo ki lātou mai Petania, kae kua lagona e Iehu te fia kaia.

Maleko 11:14

Oi lea atu loa ia Iehu ki te mati, “E hēai lele he tino e toe kai ki he fuāmati mai ia te koe!” Ma na lagona e ona hoko tana kupu tēnei.

Ioane 15:6

Ko nā tino e hē tūmau to lātou tahi ia te au, e togi kehe e vē ko he lālā ma mamago ai; ko nā lālā vēnei e fakaputu ma togi ki loto o te afi ma mu ai.

Epelu 6:8

Kae kāfai e ola ake ai ni lākau tālatala ma ni vao kino, e hēai hona aogā, ma e ono fetū e te Atua ma huhunu i te afi.

Iuta 1:12

E hē matamumuli ma e kakai fakaatuatuvale, ma e vē ki lātou ni mea kelekelea i nā taimi e kakai ai koutou; e hē fia tōkakaga ki iētahi tino kae kikila ifo lava ki lātou ki a te ki lātou lava. E vē ki lātou ko nā ao e pūhia i te matagi, kae e hē maua ai he ua. E vē ko nā lākau e hē fua i te taimi e fua ai ia lākau; nā lākau kua taheki kātoa ki luga ma nā aka ma kua mamate kātoa.