Maleko 10:52 - Tokelauan New Testament

⁵² Oi vāgana atu ai ia Iehu ki ei, “Hau la fano, ko tō fakatuatua kua mālōlō ai koe.” Ko te taimi lava tēnā na mafai ai ke kitea e ona mata, oi mulimuli ai ki a Iehu i te auala.

Maleko 10:52 ပူးပေါင်းရင်းမြစ်များ

Mataio 11:5

kua pupula ia mata o tāuaho, kua havavali ia pipili, kua fakamamāgia ki lātou e maua i nā tauale kino o te kili, kua logo ia taliga o tutuli, kua toe fakaola nā tino oti, ma ko te Tala Lelei kua folafola ki tagata mātitiva.

Mataio 12:22

Oi kaumai e ni tino ki a Iehu he tamāloa e tāuaho ma gūgū, ona e ulufia e he tēmoni. Kua fakamālōlō e Iehu te tamāloa, ma na mafai ai te tamāloa ke tautala ma kitea e ona mata.

Mataio 15:28

Oi tali mai ai ia Iehu, “Te māfine, e aloā tō fakatuatua e lahi! Ko te mea e fofou koe ki ei, ka vēnā lava oi fai mo koe.” I te taimi lava tēnā, na mālōlō ai tana tama teine.

Mataio 21:14

Oi ōmamai ai nā tāuaho ma nā pipili ki a te ia i te Mālumalu, ma fakamālōlō ai ki lātou e ia.

Mataio 8:3

Oi papae atu ai ia Iehu, kua paki atu tona lima ki te lēpela ma lea vē atu, “Ko au e loto ki ei. Mamā loa!” Ma ko te taimi lava tēnā na mamā ai ia mai te lēpela.

Mataio 9:22

Kua liliu mai ki tua ia Iehu ma ia kitea te fafine, oi lea vē atu ai ki ei, “Toku afafine, fakamākeke! Ko tō fakatuatua kua mālōlō ai koe.” Ko te taimi lava tēnā na mālōlō ai te fafine.

Maleko 1:31

Oi hau ai ia Iehu kua tago ki te lima o te fafine ma fakatū ki luga. Kua fano kehe te fiva mai te fafine, oi fano ai oi laulau te lātou meakai.

Maleko 5:34

Oi vāgana atu ai ia Iehu ki ei, “Toku afafine, ko tō fakatuatua kua mālōlō ai koe. Fano la, ma ke ia te koe te fīlēmū. Ko koe kua mālōlō i tō tauale.”

Maleko 8:25

Na toe tuku atu nā lima o Iehu ki nā mata o te tāuaho; oi pupula hako loa nā mata o te tāuaho ki mua oi kitea lelei ai e ona mata, kua manino lelei tana kikila ki mea uma.

Luka 7:50

Kae kua lea atu ia Iehu ki te fafine, “Ko tō fakatuatua kua ola ai koe; fano la ma te manuia.”

Luka 9:48

kae lea vēnei atu ki a te ki lātou, “Ko ai lava he tino e ia talia te tamaiti tēnei i toku igoa, kua ia talia foki au; ma ko ai lava e ia talia au, e ia talia foki tē na ia uga maia au. Auā ko te tino o koutou e pito hili ona hē tāua, ko ia tēnā e hili atu tona tāua.”

Ioane 9:32

Mai te kāloā, e hēki fakalogo lele na kua i ei he tino e ia fakapupulagia ni mata o he tino na fānau mai lava e tāuaho.

Ioane 9:39

Kua vāgana atu ia Iehu, “Ko au na hau ki te lalolagi ke fakamahino, kae ke pupula ai nā mata o nā tino nae tāuaho, kae tāuaho nā tino nae pupula o lātou mata.”

Gāluega 26:18

Ka fakapupula e koe o lātou mata ma liliu kehe ki lātou mai te pōuliuli ki te mālamalama, mai te pule a Hātani ki te pule a te Atua, kae ke kavea ai to lātou fakatuatua mai ki a te au ma mea ka fakamāgalo ai a lātou agahala, ma kavea ai ki lātou ma vāega o tagata kua filifilia e te Atua.’