Maleko 10:39 - Tokelauan New Testament

³⁹ Kua tali mai ki lāua, “E ki mā mafaia.” Oi vāgana atu ai ia Iehu ki ei, “Ko te ipu e inu ai au ka inu ai koulua, ma ko te papatihoga e papatiho ai au ka papatiho ai koulua.

Maleko 10:39 ပူးပေါင်းရင်းမြစ်များ

Mataio 10:25

Ko te mea ia e tatau ai i te tamaiti akoga ke fiafia oi kavea ia ke vē ko tona faiakoga, ma te pologa ke vē ko tona matai. Kāfai te ulu o te kāiga e fakaigoa ki a Pelehepulo, ka hē hili atu nei la te kino o nā igoa ka fakaigoa ai nā tino o te kāiga!

Mataio 3:6

Kua tōlaulau atu a lātou agahala, oi papatiho ai ki lātou e ia, i loto o te vaitafe ko te Iolitana.

Maleko 14:31

Ka kua fakaatili ai te tali mālohi atu o Petelu vēia, “E hē mafai au ke lea vēnā, e tuha lava pe kāfai e oti ai au fakatahi ma koe!” Ma kua lea vēnā foki iētahi o te kau hoko.

Maleko 14:36

Kua vē tana tatalo “Te Tamana, toku Tamana! E hēai he mea fokotahi e hē kē mafaia. Kave kehe ko te ipu tēnei o puapuagā ia te au. Kae nahe faia toku loto, kae fai tō finagalo.”

Ioane 13:37

Kua fehili atu ia Petelu, “Te Aliki, aiheā te hē mafai ai au ke mulimuli atu ki a te koe i te taimi nei? Ko au kua hāuni ke oti mo koe!”

Ioane 15:20

Manatua te mea na lea atu ai au ki a te koutou: ‘E hē hili atu nā pologa i lo to lātou matai.’ Kāfai au na hāuāgia e tagata, ka vēnā foki ona hāuāgia koutou; kāfai na uhitaki mai ki lātou ki aku akoakoga, ka vēnā foki ona uhitaki atu ki lātou ki autou akoakoga.

Ioane 17:14

Kua fakailoa e au ki a te ki lātou tau fekau, ma kua inohia ki lātou e tagata o te lalolagi, auā e hē mai te lalolagi ki lātou, e vē foki lava ko au e hē mai te lalolagi.

Gāluega 12:2

Na ia fakatonua ke tāmate ia Iakopo te uho o Ioane, i te pelu.

Kolohe 1:24

I te taimi nei, ko au e fiafia ke puapuagā au mo koutou, auā ko oku puapuagā i te tino e fehoahoani ai au ke fakakātoatoa nā puapuagā o Keliho koi totoe, mo tona tino, te Ekalehia.

Fakaaliga 1:9

Ko au ko Ioane, he uho ki a te koutou, ma ko he hoko e o Iehu. Ko au he hoa e o koutou, ma e talia ma te onohai e ki tātou nā puapuagā e maua ai nā tino e o ki lātou te Mālō. Ko au na kave ki te motu ko Patamo ona nae kō folafolagia te kupu a te Atua ma te meamoni na fakaalia e Iehu.