Maleko 10:34 - Tokelauan New Testament

³⁴ ma ka fakatauemu ki lātou ki a te ia ma tūfeanu ki ei ma kini, oi tāmate ai e ki lātou; kae ka toe tū ia mai te oti, i tona tolu o aho.”

Maleko 10:34 ပူးပေါင်းရင်းမြစ်များ

Mataio 16:21

Mai te taimi tēnā, na kāmata ai oi fakamālamalama e Iehu ki ona hoko te mea ka pa ia ki ei, kua lea vē atu ki a te ki lātou, “Ko au e tatau ke fano ki Ieluhalema ke puapuagā au i lima o toeaina, nā ohitāulaga hili ma faiakoga o te Tūlāfono. Ka ki lātou tāmatea au, kae i tona tolu o aho, ka toe fakatū mai ai au mai i te oti.”

Mataio 26:67

Oi tūfeanu ai ki lātou ki ona mata ma kini i o lātou lima; ma ko nā tino nae ki lātou kinia

Mataio 27:63

ma lea vē ki ei, “Te kōvana, e ki mātou manatua ka koi ola tēnā tino talapepelo, na fai tana kupu vēia, ‘Ko au ka toe fakatū mai i te oti, kāfai e teka nā aho e tolu.’

Maleko 14:63

Oi hae ai e te Ulu Ohitāulaga tona peleue tatao ma lea vē atu, “He ā te toe fofou ai ki tātou ki ni molimau?

Maleko 14:65

Ko iētahi o ki lātou kua kāmata oi tūfeanu ki a Iehu, kua nonoa e ki lātou ona mata kae kini i o lātou lima, ma lea vē ki ei, “E kē iloa la pe na hei tukia koe?” Oi kave ai ia Iehu e nā leoleo ma kini e ki lātou.

Maleko 9:31

ona e fai ai nā akoakoga a ia ki ona hoko. Kua lea vē atu ki ona hoko, “Ko te Ataliki o te Tagata ka tukulima atu ki lalo o te pule a tagata, ma ka ki lātou tāmatea. Kae e teka nā aho e tolu, oi ka toe fakatū ai mai i te oti.”

Luka 23:11

Ko Helota ma ana fitafita nae fakatauemu ma fai kupu kino ki a Iehu; oi na fakakofu ai e ki lātou ia Iehu i he kofu tatao manaia, kae toe uga ki a Pilato.

Ioane 1:17

Ko nā Tūlāfono, na tuku mai e te Atua kui mai ia Mohe; kae ko te alofa tūnoa ma te meamoni, na kui mai ia Iehu Keliho.

Ioane 2:10

“Ko nā tino uma lele, e fakahoa muamua lava e ki lātou te uaina lelei, ma kāfai loa te kau valakaulia e kāmata oi konanā, oi fātoā fakahoa ai la ki ei te uaina taugōfie. Kae kua kē tāofia te uaina lelei, ke fakahoa mulimuli.”

1 Kolinito 15:4

na tanu, ma toe fakatū mai ai i te oti i te tolu o aho, e vē ona tūhia i nā Tuhituhiga Paia;