Maleko 10:33 - Tokelauan New Testament

³³ Kua vāgana atu ia Iehu, “Kikila, ko ki tātou e olo ki Ieluhalema. Ko kinā ka tukulima atu ai te Ataliki o te Tagata ki te pule a nā ohitāulaga hili ma nā faiakoga o te Tūlāfono. Ka ki lātou fakahalagia ia i te oti, ma tukulima atu ki tagata nukukehe,

Maleko 10:33 ပူးပေါင်းရင်းမြစ်များ

Mataio 16:21

Mai te taimi tēnā, na kāmata ai oi fakamālamalama e Iehu ki ona hoko te mea ka pa ia ki ei, kua lea vē atu ki a te ki lātou, “Ko au e tatau ke fano ki Ieluhalema ke puapuagā au i lima o toeaina, nā ohitāulaga hili ma faiakoga o te Tūlāfono. Ka ki lātou tāmatea au, kae i tona tolu o aho, ka toe fakatū mai ai au mai i te oti.”

Mataio 26:66

He ā he koutou manatu?” Kua tali mai ki lātou, “Ko te tino tēnā kua tatau ke tāmate.”

Mataio 27:2

Oi fakatonu ai e ki lātou ke noanoa ia Iehu ma takitaki kehe mai kinā, ma tukulima atu ki a Pilato te kōvana Loma, ke fakamahino e ia.

Maleko 14:64

Kua fakalogo uma koutou ki ana kupu fāifāi ki te Atua. He ā he koutou tonu?” Oi tonu ai ia te ki lātou uma ko Iehu kua hala ma kua tatau ke tāmate.

Maleko 15:1

I te taeaopō o te aho na hohoko ai na fono fakavave ai nā ohitāulaga hili ma nā toeaina, nā faiakoga o te Tūlāfono, ma te Taupulega kātoa, ma na fai ai te lātou tonu. Kua fakatonu e ki lātou ke noanoa ia Iehu ma takitaki kehe mai kinā, ma tukulima atu ki a Pilato ke fakamahino e ia.

Maleko 8:31

Oi kāmata ai oi akoako atu vēnei e Iehu ki ona hoko, “Ko te Ataliki o te Tagata e tatau ke maua i nā puapuagā e lahi ma teteke ki ei nā toeaina, nā ohitāulaga hili, ma nā faiakoga o te Tūlāfono. Ka ki lātou tuku atua ia ke tāmate, kae i tona tolu o aho, ka toe tū ia mai te oti.”

Maleko 9:12

Kua tali mai ia Iehu, “E hako ko Elia e hau muamua ke toe tukutuku tonu ia mea uma. Ka ko he ā nei foki la te tūhia ai i nā Tuhituhiga Paia, ko te Ataliki o te Tagata e tatau ke maua i nā puapuagā e lahi ma teteke e tagata?

Maleko 9:31

ona e fai ai nā akoakoga a ia ki ona hoko. Kua lea vē atu ki ona hoko, “Ko te Ataliki o te Tagata ka tukulima atu ki lalo o te pule a tagata, ma ka ki lātou tāmatea. Kae e teka nā aho e tolu, oi ka toe fakatū ai mai i te oti.”

Luka 23:21

Kae kua taukālalaga vē mai ki lātou, “Fakahātaulo te tino tēnā! Fakahātaulo te tino tēnā!”

Luka 9:22

Kua toe vāgana atu ia Iehu ki a te ki lātou, “Ko te Ataliki o te Tagata e tatau ke maua i nā puapuagā e lahi ma teteke ki ei ia toeaina, nā ohitāulaga hili, ma nā faiakoga o te Tūlāfono. Ka tuku atu ia ke tāmate, kae i tona tolu o aho, ka toe fakatū mai ai mai te oti.”

Ioane 18:28

I te taeaopō, oi kave ai ia Iehu mai te fale o Kaiafa ki te fale o te kōvana. Ko nā takitaki o Iutaia e hēki olo ki loto o te fale o te kōvana; nae mumuhu nā ki lātou e hē mamā i nā mea tau tāpuakiga, ona kua nonofo fakatahi ma nā tino nukukehe, ma hē mafai ai ki lātou ke kakai i te Kaiga Fakamanatuga o te Pāheka.

Ioane 18:32

(Ko te mea tēnei na tupu, kae ke taunuku ai te mea na lea ai ia Iehu, e uiga ki te itūkāigā oti e oti ai ia.)

Ioane 19:11

Kua tali mai ia Iehu, “Anei e hēki fōki atua e te Atua te pule ki a te koe, e hēai lele hau mea e fokotahi e mafai ke fai mai ki a te au. Ko te tino la na ia tukulima atua au ki a te koe, e hilihili atu te mamafa o tana agahala.”

Gāluega 13:27

Auā e hēki iloa e nā tino e nonofo i Ieluhalema ma o lātou takitaki, ko Iehu ko te Fakaola, ma e hēki mālamalama foki ki lātou i nā kupu a te kau pelofeta e faitau ki tagata i Hāpati takitahi uma. Ka kua kavea te fakahalagia e ki lātou o Iehu, ma mea kua fakataunuku ai nā kupu a te kau pelofeta.

Gāluega 20:22

Ma i te taimi nei, ko au ka fano ki Ieluhalema e vē ona fakatonugia ai au e te Agaga Paia, e aunoa ma te kō iloa pe ko he ā te ka tupu ki a te au i kinā.

Iakopo 5:6

Kua fakahala ma tāmate e koutou nā tino e hēai ni agahala, ma nae hē teteke atu ki a te koutou.