Maleko 10:22 - Tokelauan New Testament

²² I te lagona atuga e te tamāloa te mea tēnei, oi faūū ai ona mata ma fano kehe ma te loto fakanoanoa, auā ko ia ko he tino maukoloa.

Maleko 10:22 ပူးပေါင်းရင်းမြစ်များ

Mataio 13:22

Ko nā fatu haito na pakukū ki te mea e ola ai nā vao mātuituia, e fakatuha ki nā tino e ki lātou lagona te fekau a te Atua; kae ko popōlega o te ōlaga ma te mānumanu ki koloa o te lalolagi, kua taomia ai te fekau ma hē fua mai ai ni fua.

Mataio 19:22

I te lagonaga atuga e te tamāloa o te mea iēnei, oi fano kehe ai ma te loto fakanoanoa, auā ko ia ko he tino maukoloa.

Mataio 27:3

Kua iloa e Iuta te fakalata ko Iehu kua fakahala, oi lagona ai e ia tona halamō lahi, ma fano ai kua toe fakafoki nā tupe hiliva e toluhefulu ki nā ohitāulaga hili ma te kau toeaina.

Maleko 10:21

Kua kikila hako atu ia Iehu ki te tamāloa ma tona alofa, oi lea vē atu ai ki ei, “Toe tahi lava la te mea ko hēki kē faia. Fano oi fakatau au mea uma lele ma fōki te tupe ma nā tino mātitiva, ma ka maua ai e koe nā koloa e lahi i te lagi; oi hau ai oi mulimuli mai ki a te au.”

Maleko 10:23

Kua fakaholo atu te kikila a Iehu ki ona hoko oi vāgana atu ai ki ei, “Kai te faigatā lele mo nā tino maukoloa ke hao atu ki te Mālō o te Atua!”

Maleko 6:20

Ko Helota nae mataku ia Ioane, ona na ia iloagia ko he tino āmiotonu ma mālohi tona fakatuatua ki te Atua, ko te mea ia nae ia kikila lelei ai ke nahe i ei he mea e tupu ki ei. Nae fiafia lele oi fakalogologo ki a Ioane e ui lava e ia lagona te popole o tona loto i taimi uma e ia lagona ai ia Ioane e tautala.

Maleko 6:26

Na fakanoanoa lahi lele te tupu i te mea tēnei, kae ona ko tana tautōga na fai i mua o te kau valakaulia, e hēki ia mafaia ai oi teteke ki te mea kua lea ake ai te teine.

Luka 12:15

Oi lea atu ai ia Iehu ki te kaifenua uma, “Kikila lelei ma ia koutou ke fakaeteete i te mānumanu; auā ko te ola o te tagata e hē fua fakatataua ki te lahi o ana koloa.”

Luka 18:23

Kae i te lagonaga atuga e te tamāloa o te mea tēnei, oi lagona ai e ia te loto fakanoanoa lahi, auā ko ia ko he tino maukoloa.

2 Kolinito 7:10

Auā ko te fakanoanoa e fakaaogā e te Atua, e maua ai te loto halamō ma takitaki ai ki te fakaolataga — e hēai la he mea e tatau ke hē fiafia tauanoa ai, i he mea vēnei. Kae ko te fakanoanoa tēia e fakaaogā e te lalolagi, e maua ai te oti.

Efeho 5:5

Ke mautinoa e koutou iloa te mea tēnei; e hēai he tino e faia ni uiga tuinanau ki te tino, pe ni uiga mātagā pe manako lahi (auā ko te manako lahi e tuha lava kua ifo ki tupua), e maua hona vāega o te tofi i te Mālō o Keliho vēnā ma te Atua.

2 Timoteo 4:10

Ko Temahi kua fiafia ki nā mea o te lalolagi nei, ma kua ia tiakia au kae fano ki Tehalonika. Ko Keleoke kua fano ki Kalatia, ka ko Tito kua fano ki Talamatia.