Maleko 10:14 - Tokelauan New Testament

¹⁴ Kua kitea atu e Iehu te mea tēnei, oi tīgā ai tona loto ma lea vē atu ki ona hoko, “Tuku nā tamaiti ke ōmamai ki a te au nahe vavaoa, auā ko te Mālō o te Atua e mo ki lātou e vē ko ki lātou iēnei.”

Maleko 10:14 ပူးပေါင်းရင်းမြစ်များ

Mataio 18:10

“Tautuanā ma koutou ke nahe koutou taku fakatauva lele hētahi o ki lātou iēnei e tamaiti; auā e lea atu au ki a te koutou, ko a lātou agelu e i ei pea lava i te mea e i ei ai toku Tamana i te lagi.

Mataio 18:4

Ko te tino e hili ona tāua i te Mālō o te lagi, ko te tino e ia mafaia oi loto maulalo ma vē ko te tamaiti tēnei.

Mataio 19:14

Kua vāgana atu ia Iehu ki ona hoko, “Tuku nā tamaiti ke ōmamai ki a te au, nahe vavaoa, auā ko te Mālō o te lagi e mo ki lātou e vē ko ki lātou iēnei.”

Mataio 5:10

Amutia nā tino e maua i nā fakahāuāga ona e fai e ki lātou te finagalo o te Atua; auā e o ki lātou te Mālō o te lagi!

Mataio 5:3

“Amutia nā tino e ki lātou iloa to lātou mātitiva i nā mea tau ki te Atua; auā e o ki lātou te Mālō o te lagi!

Maleko 3:5

Oi fakaholoholo atu ai tana kikila ki nā tino i tona loto tīgā, ka kua ia lagona foki te alofa ona ko te hehē ma te makaka o nā loto o ki lātou. Oi vāgana atu ai ki te tamāloa, “Fakahako atu tō lima.” Kua fakahako te lima o te tamāloa, oi toe lelei ai.

Maleko 8:33

Kae kua māfuli atu ia Iehu ki ona tua, ma ia kitea atu ona hoko. Oi tautala mālohi ai ki a Petelu, kua lea vē atu ki ei, “Hātani, fano kehe koe ma au! Auā ko ō manatu e hē mai te Atua, kae ni manatu fakatetagata!”

Ioane 3:3

Kua tali mai ia Iehu, “E takutino atu e au ki a te koe te meamoni, e hēai he tino e mafai ke ia kitea te Mālō o te Atua, heiloga kua toe fānau fougia.”

Ioane 3:5

Kae kua tali mai ia Iehu, “E takutino atu e au ki a te koe; e hēai he tino e mafai ke hao atu ki te Mālō o te Atua, heiloga kua fānau mai i te vai ma te Agaga.

Gāluega 2:39

Auā ko te folafolaga a te Atua, na fai ki a te koutou ma autou fānau vēnā ki nā tino uma lele e nonofo mamao — ki lātou uma kua valakaugia e te Atua to tātou Aliki, ke ōake ki a te ia.”

Gāluega 3:25

Ko nā folafolaga a te Atua na kui mai i nā pelofeta, e mo koutou, ma ko koutou e aofia i te feagaiga na ohi e te Atua ma outou tupuna. E vē ona vāgana te Atua ki a Apelaamo, ‘Ka kō fakamanuiagia ia tagata uma i te lalolagi, e ala atu i nā lāpuna o koe.’

Loma 11:16

Kāfai te vāega o te paluga falaoa muamua e ofo atu mo te Atua, ko tona uiga ko te falaoa kātoa e a ia foki; ma kāfai nā aka o he lākau e ofo atu mo te Atua, ko nā lālā uma e a ia foki.

Loma 11:28

Ona ko to lātou teteke ki te Tala Lelei, kua kavea ai ia tagata Iutaia ma fili ki te Atua, mo te lelei o koutou tagata nukukehe. Kae ona ko te filifiliga a te Atua, kua kavea ai ki lātou ma ana uō ona ko o lātou tupuna.

1 Kolinito 14:20

Te kau uho, koutou nahe vē ni tamaiti i outou manatunatuga; koutou ke vē ni pepe e tuha ai ma nā mea e kino, kae ke vē ni tino mātutua e tuha ai ma nā manatunatuga o koutou.

1 Kolinito 7:14

Auā ko te tāne e hē he Kelihiano e talia i mua o te Atua kāfai e fakatahi ki lāua ma tana āvaga, ma ko te āvaga e hē he Kelihiano e talia i mua o te Atua kāfai e fakatahi ki lāua ma tana tāne Kelihiano. Kāfai e hē fai vēneia, ko te lā fānau ka vē ni fānau e a ni tino fakapaupau, kae e talia ki lātou i mua o te Atua.

Efeho 4:26

Kāfai koutou e ita, nahe kavea te koutou ita ma mea e agahala ai koutou, ma nahe fano te aho kātoa koi ita koutou.

2 Timoteo 1:5

E manatua e au te moni o tō fakatuatua, te itūkāigā fakatuatua nae ia Loihe te mātua o tō mātua, ma Eunike tō mātua. E mautinoa e au koi tūmau lava koe i te tūlaga tēnā.

2 Timoteo 3:15

ma e manatua e koe, na kē iloa mai lava nā Tuhituhiga Paia ka koi tamaiti koe, ma kua maua ai e koe te poto e uiga ki te fakaolataga e ala i te fakatuatua ki a Keliho Iehu.

1 Petelu 2:2

Ke vē koutou ni pepe fātoā fānanau mai, e fia inu pea lava ki te huhu mamā fakateagaga, kae ke tutupu ake ai koutou ma fakaolagia ona ko koutou e inu ki ei.

Fakaaliga 14:5

E hēki tala pepelo lele ki lātou, ma e hēai lele ni o lātou uiga hehē.