Maleko 1:41 - Tokelauan New Testament

⁴¹ Kua tumu lele ia Iehu i te alofa, oi papae atu ai kua paki atu tona lima ki te lēpela ma lea vē atu ki ei, “Ko au e loto ki ei. Mamā loa!”

Maleko 1:41 ပူးပေါင်းရင်းမြစ်များ

Mataio 9:36

I te kikila atuga o Iehu ki te kaifenua, oi na tumu ai tona loto i te alofa ki a te ki lātou, auā e maua ki lātou i te popole ma te atuatuvale, e vē ki lātou ni māmoe e hēai ho lātou leoleomāmoe.

Maleko 1:40

Oi hau ai he lēpela ki a Iehu, kua tōtuli i mua o ia ma fakatagi ki ei mo he fehoahoani. Kua lea vē atu ki a te ia, “Kāfai koe e loto ki ei, e kē mafaia oi fakamamā au.”

Maleko 1:42

Ma ko te taimi lava tēnā na teka ai te lēpela mai ia te ia, ma kua mamā ai.

Maleko 4:39

Na tū ake loa ia Iehu ki luga, oi fakatonu vē atu te matagi, “Tokihi loa!” kua lea vē atu foki ki nā galu, “Totoka loa!” Oi toku ai loa te matagi ma toka te tai, ma kua tokihi te malino.

Maleko 5:41

Kua tago atu ia Iehu ki te lima o te tamaiti ma vāgana atu ki ei, “Tālita, kumi,” ko tona uiga, “Te Tautiti, ko au e lea atu ki a te koe, tū ki luga!”

Maleko 6:34

Koi fanake ia Iehu ki gāuta mai te vaka, kae ia kitea atu te tokalahi o te kaifenua, oi na tumu ai tona loto i te alofa ki a te ki lātou, auā e vē ki lātou ni māmoe e hēai ho lātou leoleomāmoe. Na kāmata loa oi akoako atu e ia nā mea e lahi.

Epelu 1:3

E kitea e ala i te Ataliki te uiga kehe o te mamalu o te Atua, ma e fōliga tutuha lelei lava ia ma te Atua, ma ko te mamana o tana kupu e tūmau ai pea nā mea i te lagi ma te lalolagi. I te kua uma o te fakamamāga e ia o agahala a te lalolagi, oi nofo ai ki lalo i te itū taumatau o te Tupu Hilihilikehe.

Epelu 2:17

Ko tona uiga, na kavea foki ia ke vē ko nā uho ma tuafafine o ia, kae ke fai ai ia ma o lātou Ulu Ohitāulaga fakamāoni ma alofa fakahao i ana gāluega e tautua ai ki te Atua, mo te fakamāgaloga o agahala a ona tagata.

Epelu 4:15

Ko te Ulu Ohitāulaga mo ki tātou e mālamalama i nā mea e vāivai ai ki tātou. Auā na fakaohoohogia i nā auala kehekehe uma e vē foki lava ko ki tātou, kae e hēki agahala.