Maleko 1:34 - Tokelauan New Testament

³⁴ Na fakamālōlō e Iehu nā tino e tokalahi nae maua i nā itūkāigā tauale kehekehe, ma tuli ki fafo nā tēmoni e tokalahi. E hēki fakataga e ia nā tēmoni ke tautatala, auā e ki lātou iloa ko ia ko Iehu.

Maleko 1:34 ပူးပေါင်းရင်းမြစ်များ

Mataio 4:23

Kua fano ia Iehu ki nā koga uma o Kalilaia oi akoako ki tagata i loto o nā hūnako, ma tālaki atu te Tala Lelei e uiga ki te Mālō o te Atua, ma fakamālōlō nā tino e maua i nā itūkāigā tauale kehekehe.

Mataio 4:24

Kua halalau te tala e uiga ki a Iehu ki nā itū uma o te fenua ko Hulia, ma na ōmamai ai ia tagata ma kaumai ki a te ia nā tino e maua i nā itūkāigā tauale kehekehe; nā tino e ulufia e tēmoni, nā tino tauale tete ma nā tino e mate iētahi o lātou itū — kua fakamālōlō uma ki lātou e Iehu.

Maleko 1:25

Kae kua muna atu ki ei ia Iehu, kua lea vē atu, “Te piha kae hau loa ki fafo o te tino tēnā!”

Maleko 3:12

Ka kua fakatonu mālohi e Iehu nā agaga kino ke nahe ki lātou takua ki he tino pe ko ai ia.

Luka 4:41

Na olo foki ki fafo nā tēmoni mai nā tino e tokalahi, ma taukalalaga vēia, “Ko koe ko te Ataliki o te Atua!” Kae kua fakatonu atu e Iehu nā tēmoni ke nahe ki lātou tautatala, auā e iloa e nā tēmoni, ko Iehu ko te Mehia.