Maleko 1:27 - Tokelauan New Testament

²⁷ Na ofo lele ia tagata uma ma kāmata ai kua fakataufai ma lea vē tētahi ki tētahi, “He ā tēnei? He akoakoga fou nei? E pa foki ki nā agaga kino e ia fakatonua, oi e uhitaki foki lava ki a te ia!”

Maleko 1:27 ပူးပေါင်းရင်းမြစ်များ

Mataio 15:31

Na ofo lele ia tagata i te kiteaga e ki lātou kua tautatala nā gūgū, kua mālolohi nā tino nae hē kātoatoa te mālohi, kua havavali nā pipili, ma kua pupula nā mata o nā tāuaho; oi viviki ake ai ki lātou ki te Atua o Ihalaelu.

Mataio 8:9

Auā ko au foki ko he tino e i lalo o te pule a nā takitakikau e maualuluga atu ia te au, ma e i ei foki nā fitafita e i lalo o taku pule. Ma kāfai au e lea ki te tino tē, ‘Fano vē’ oi e fano; kāfai au e lea ki tētahi tino, ‘Hau’ oi e hau foki; ma kāfai au e lea ki taku kaukauna, ‘Fai te mea tē!’ oi e vēnā lava oi fai e ia.”

Mataio 9:33

Ma na uma loa lava te tuli o te tēmoni ki fafo, oi kāmata loa oi tautala te gūgū, ma na ofo lele ai nā tino uma ma vē ake te lātou kupu, “E hēki ki mātou kitea lele he mea vēnei ke tupu i Ihalaelu!”

Maleko 1:26

Na fakatete lahi loa e te agaga kino te fuaitino o te tamāloa ma taukekē leo lahi, oi fano ai ki fafo.

Maleko 1:28

Oi kua vēnā te halalau vave o te tala ki a Iehu, ki nā pitonuku uma lele o Kalilaia.

Maleko 10:24

Na ofo lahi lele te kau hoko ki nā kupu iēnei a Iehu. Kae kua toe vāgana atu ia Iehu ki a te ki lātou, “Taku fānau, kai te faigatā lele ke hao atu he tino ki te Mālō o te Atua!

Maleko 10:32

Kua i luga nei o te auala e fano ki Ieluhalema ia Iehu ma ona hoko. Ko Iehu e havali i mua o te kau hoko, kua tumu foki nā loto o te kau hoko i te popole; ko nā tino foki e mulimuli atu i o lātou tua kua mātataku. Oi toe fakapotopoto mai ai e Iehu ona hoko e toka hefululua, oi tautala ai ki ei e uiga ki nā mea ka pa ia ki ei.

Maleko 16:5

Oi ulu atu ai ki lātou ki loto o te tugamau ma ki lātou kitea atu he taumalo e nofo mai i te itū taumatau, e kofu i he kofu tatao paepae loloa e pa ki ona tapuvae; oi na mātataku lele ai ki lātou.

Maleko 16:6

“Koutou nahe popole,” kua lea vē mai te taumalo. “E iloa e au ko Iehu te Nahaleta tēia na fakahātaulo, ta koutou e hakili. E hē i kinei — kua toe tū mai i te oti! Kikila ki te mea nae tuku ai tona tino.

Maleko 7:37

Ko nā tino uma na fakalogo ki te tala tēnei, na ofo lahi lele ma lea vē, “Kai te lelei o te faiga o nā gāluega a ia! E pa lava ki nā tutuli ma nā gūgū kua toe taligalogo ma tautatala!”

Luka 4:36

Na ofo lele ia tagata uma, ma kua lea vē tētahi ki tētahi, “Ni itūkāigā kupu a iēnei? Ko te tagata tēnei e ia te ia te pule ma te mana, ma e ia fakatonua nā agaga kino, ma ōmamai ai lava ki fafo!”

Luka 9:1

Kua fakapotopoto mai e Iehu ona hoko e toka hefululua, oi tuku atu ai e ia ki a te ki lātou te mana ma te pule ke tuli ai ki fafo nā tēmoni uma, ma fakamālōlō ai nā tauale.

Gāluega 17:19

Ko te mea ia na kave ai e ki lātou ia Paulo ki mua o te taupulega a te kakai e fakaigoa ko te Aleiopakono, ma kua lea vē atu ki lātou ki a Paulo, “E fia iloa e ki mātou pe vēhea te akoakoga fou tēnā e tautala ai koe.