Maleko 1:22 - Tokelauan New Testament

²² Na ofo lele ki lātou ki te faiga o ana akoakoga, ona e vē ko he tino kua ia te ia te pule, kae kua he vē ko nā faiakoga o te Tūlāfono.

Maleko 1:22 ပူးပေါင်းရင်းမြစ်များ

Mataio 13:54

kua toe foki ki tona nuku. Na akoako e ia ia tagata i loto o nā hūnako, oi na ofo lele ai ki lātou uma na fakalogo ki ei ma fehili ai vē, “Ko fea nei te na maua mai ai e te tagata nei tēnei poto? Na mafai vēhea foki e ia oi fai nā vāvega?

Maleko 1:23

E fai nā akoakoga a Iehu, kae ulu mai ki loto o te hūnako he tamāloa e ulufia e he agaga kino ma taufōlua vē,

Luka 2:47

Na tēteki lele nā tino uma na fakalogo ki fakamatalaga a Iehu, ona ko te poto o ana tali.

Luka 21:15

auā ka fōki atu e au ki a te koutou nā kupu o te poto; ma ka hē mafai ai e nā fili o koutou oi tali ki ei, pe ki lātou taku hehēa nā mea e lea ai koutou.

Luka 4:32

Na ofo lele nā tino ki te faiga o ana akoakoga, ona nae tautala ma te pule.

Ioane 7:46

Kua tali mai nā leoleo, “E hēki i ei lele he tino na kua tautala e vē ko te tino tēnei!”

Gāluega 6:10

Kae kua tuku atu e te Agaga o te Atua ki a Hetefano te poto, ma kua hē mautali ai ki lātou ki a te ia.

2 Kolinito 4:2

Kua tuku kehe e ki mātou nā uiga mātagā uma ma nā faiga fakalilolilo; e hē taumafai ki mātou ke fakahehē he tino, pe fakaliliu hehē te fekau a te Atua. E molimau te Atua ko ki mātou e tautatala oioti i te meamoni, ma ko te mea ia ka mafai ai ke talitonu mai nā tino ki a te ki mātou.