Maleko 1:20 - Tokelauan New Testament

²⁰ Oi kalaga atu ai ia Iehu ki ei ke ōmamai; na tuku ai loa lava e ki lāua to lā tamana ko Hepetaio ma te kau faifaiva i luga o te vaka, kae mulimuli ki a Iehu.

Maleko 1:20 ပူးပေါင်းရင်းမြစ်များ

Mataio 10:37

“Ko ai lava te hili tona alofa ki tona tamana pe ko tona mātua i lo au, e hē aogā ia ke kavea ma oku hoko; ko ai lava te hili tona alofa ki tona ataliki pe ko tona afafine i lo au, e hē aogā ia ke kavea ma oku hoko.

Maleko 1:19

Kua hēleka mālie atu ia Iehu ki mua, oi ia kitea atu ai hētahi kau uho e toka lua, ko Iakopo te ataliki o Hepetaio ma Ioane tona uho, e i luga o to lātou vaka e fonofono o lātou kupega.

Maleko 1:21

Kua taunuku atu ki lātou ki Kapenaumi, ma i te Hāpati na hohoko ai, na fano ai ia Iehu ki te hūnako ma akoako atu ki tagata.

Maleko 10:29

Ka kua vāgana atu ia Iehu ki a te ki lātou, “E takutino atu e au ki a te koutou, ho he tino e ia tukua tona fale, pe ko ona uho, pe ko ona tuafafine, pe ko tona mātua, pe ko tona tamana, pe ko tana fānau, pe ko ona fenua ona ko au ma te Tala Lelei,

Luka 14:26

“Ko ai lava he tino e hau ki a te au, ka hē mafai ke kavea ia ma oku hoko, vaganā e hili atu tona alofa mai ki a te au, i lo ki tona tamana ma tona mātua, tana āvaga ma tana fānau, ona uho ma ona tuafafine, ma ke pa lava ki tona lava ola.

Luka 5:11

Kua toho ake o lātou vaka ki gāuta, oi tuku ai e ki lātou nā mea uma, kae mulimuli ki a Iehu.

2 Kolinito 5:16

Ko te mea ia, e kāmata atu nei, e hē toe ki tātou fakamahinoa he tino, i te kikilaga fakatetagata. E ui lava na i ei te taimi na ki tātou fakamahinoa ai ia Keliho i te kikilaga fakatetagata, kae kua hē toe fai vēnā e ki tātou nei.