Maleko 1:11 - Tokelauan New Testament

¹¹ ma he leo e fanaifo mai te lagi, “Ko koe ko toku Ataliki pele, e fiafia lahi au ki a te koe.”

Maleko 1:11 ပူးပေါင်းရင်းမြစ်များ

Mataio 12:18

“Ko taku kaukauna tēnei, kua kō filifilia, tē e alofa au ki ei, ma fiafia lahi ai au. Ka kō fakatumulia ia i toku Agaga, ma ka ia fakailoa atua ki mālō uma, ma ka ki lātou maua te fakaolataga mai ia te au.

Mataio 17:5

Ka koi tautala vēnei atu ia Petelu, kae hau he ao pupula ma malutū ai ki lātou, ma he leo e fanaifo mai te ao e vē ifo, “Ko toku Ataliki pele tēnei, e fiafia lahi au ki ei — fakalogo ki ei!”

Mataio 3:17

ma he leo e fanaifo mai te lagi e lea vē, “Ko toku Ataliki pele tēnei e fiafia lahi au ki ei.”

Maleko 1:10

Na fanake loa ia Iehu ki luga mai te vai, oi ia kitea atu ai te lagi kua māvā ma te Agaga e fanaifo ki lalo e vē he lupe;

Maleko 9:7

Oi hula mai ai he ao ma malutū ai ki lātou, ma he leo e fanaifo mai te ao e vē ifo, “Ko toku Ataliki pele tēnei — fakalogo ki ei!”

Luka 3:22

ma fanaifo ai te Agaga Paia ki ona luga, e vē he tino e o he lupe. Ma he leo e fanaifo mai te lagi, “Ko koe ko toku Ataliki pele, e fiafia lahi au ki a te koe.”

Luka 9:35

Oi fanaifo ai he leo mai te ao, kua vē ifo, “Ko toku Ataliki tēnei, kua kō filifilia — fakalogo ki ei!”

Ioane 1:34

Kua kō kitea,” kua lea vēnā atu ia Ioane, “ma e lea atu au ki a te koutou, ko ia tēnei ko te Ataliki o te Atua.”

Ioane 3:16

Auā ko te alofa lahi o te Atua ki te lalolagi, na ia kaumaia ai tona Ataliki e tokatahi, kae ke nahe oti ai ho he tino e talitonu ki ei, kae ke maua e ia te ola e fakavavau.

Ioane 5:37

Ma ko te Tamana na ia uga mai au, e molimau foki ki a te au. E hēki lagona lele e koutou tona leo, pe kitea e koutou ona fōliga,

Ioane 6:69

Ko ki mātou kua talitonu ki a te koe, ma kua ki mātou iloa ko koe ko te Tokatahi Paia na hau mai te Atua.”

Kolohe 1:13

Na ia laveakia ki tātou mai te mālohi o te pōuliuli, ma kaumai ki tātou ma te haogalēmū ki loto o te mālō o tona Ataliki pele,