Luka 9:45 - Tokelauan New Testament

⁴⁵ Kae e hēki mālamalama ki lātou i te uiga o te fakakupuga tēnei. E hēki fakailoa ki ei te uiga kae ke nahe mālamalama ai ki lātou, ma nae mātataku foki oi fehili e uiga ki ei.

Luka 9:45 ပူးပေါင်းရင်းမြစ်များ

Mataio 16:22

Oi tataki kehe ai e Petelu ia Iehu, ma kāmata oi tautala mālohi ki ei, kua lea vē atu, “Te Aliki, ke alofa te Atua ke nahe pa lele koe ki he mea vēnā!”

Mataio 17:22

I te maopoopoga fakatahi o te kau hoko i Kalilaia, oi vāgana atu ai ia Iehu ki ei, “Ko te Ataliki o te Tagata ka tukulima atu ki lalo o te pule a tagata,

Maleko 9:10

Na uhitaki ki lātou ki te fakatonuga a Iehu, kae kua kāmata oi fakataufai ki lātou lava, “He ā nei te uiga o tana kupu, ‘toe tū mai i te oti?’ ”

Maleko 9:32

Kae e hēki mālamalama ki lātou i te uiga o te fakakupuga tēnei, ma nae mātataku foki oi fehili e uiga ki ei.

Luka 18:34

Kae e hēki mālamalama ki lātou i he mea e fokotahi o nā mea iēnei; ko te uiga o nā kupu a Iehu nae hē fakailoa ki ei, ma nae hē ki lātou hāfia ai te mea nae lea ake ai.

Luka 2:50

Kae e hēki ki lā hāfia te uiga o tana tali.

Luka 9:46

Kua kāmata oi fai fīnauga te kau hoko, pe ko ai to ki lātou e hili ona tāua.

Ioane 12:16

E hēki mālamalama nā hoko o ia i te mea tēnei i te taimi tēnā; kae i te fakatū akega o Iehu ki tona mamalu, na manatua ai e ki lātou ko te tuhituhiga paia na lea mai vēnei e uiga ki a te ia, ma ko nā mea iēnei na fai e ki lātou mo ia.

Ioane 12:34

Kua tali mai te kaifenua, “E lea mai te mātou Tūlāfono, ko te Mehia ka ola pea lava ke pa ki te fakavavau. E vēhea la ona lea mai koe, ko te Ataliki o te Tagata e tatau ke hiki ake ki luga? Ko ai te Ataliki o te Tagata?”

Ioane 14:5

Kua lea atu ia Toma ki a te ia, “Te Aliki, e hē ki mātou iloa te mea e fano koe ki ei, kae e vēhea la ona iloa e ki mātou te ala e fano ki ei?”

Ioane 4:33

Oi fakataufai ai te kau hoko, ma fehili vē tētahi ki tētahi, “Na kave nei ki ei hana meakai e he tino?”