Luka 9:43 - Tokelauan New Testament

⁴³ Na ofo lele ia tagata uma, ki te uiga kehe o te mana o te Atua. Ka koi lagona pea lava e nā tino te ofo ki nā mea uma na fai e Iehu, kae kua vāgana atu ia Iehu ki ona hoko,

Luka 9:43 ပူးပေါင်းရင်းမြစ်များ

Mataio 17:22

I te maopoopoga fakatahi o te kau hoko i Kalilaia, oi vāgana atu ai ia Iehu ki ei, “Ko te Ataliki o te Tagata ka tukulima atu ki lalo o te pule a tagata,

Maleko 6:51

Oi hopo ake ai ia Iehu ki luga o te vaka kae toku loa foki te matagi. Na ofo lahi lele te kau hoko,

Luka 18:43

Ko te taimi lava tēnā na mafai ai ke kitea e ona mata, oi mulimuli ai ki a Iehu, ma fakafetai ki te Atua. I te kitea atuga o te mea tēnei e te kaifenua, oi viviki ake uma ai ki lātou ki te Atua.

Luka 4:36

Na ofo lele ia tagata uma, ma kua lea vē tētahi ki tētahi, “Ni itūkāigā kupu a iēnei? Ko te tagata tēnei e ia te ia te pule ma te mana, ma e ia fakatonua nā agaga kino, ma ōmamai ai lava ki fafo!”

Luka 5:26

Na taufai ofo ki lātou uma lele, ma viviki ake ki te Atua. Kua fakatumulia foki ki lātou i te mātataku, ma kua lea vē, “Kai te ofoofogia o nā mea kua kitea e ki mātou i te aho nei!”

Luka 5:9

Na ofo lele ia Himona Petelu ma ki lātou uma nae i ei, ki te lahi o a lātou ika na maua.

Luka 8:25

Oi lea atu ai ia Iehu ki ona hoko, “Tēfea te koutou fakatuatua?” Kae kua ofo lele ma mātataku ki lātou, ma lea vē tētahi ki tētahi, “Ko ai te tagata tēnei? E fakatonu e ia te matagi ma nā galu, ma e uhitaki foki lava ki a te ia!”

Luka 9:42

Koi havali mai te taumalo ki a Iehu, kae ato e te tēmoni ki lalo ma fakatete tona tino. Oi munaia ai e Iehu te agaga kino, ma fakamālōlō te taumalo, oi toe tuku atu ai ki tona tamana.

2 Petelu 1:16

Ko ki mātou e hēki fakalagolago ki ni tala fatu, i te ki mātou fakailoa atuga ki a te koutou e uiga ki te mana ma te haele mai o to tātou Aliki ko Iehu Keliho. Na kikila lelei lava o mātou mata ki tona mamalu lahi.