Luka 9:38 - Tokelauan New Testament

³⁸ Ko te taimi lava tēnā na kalaga atu ai he tamāloa mai te kaifenua, “Te Faiakoga! Ko au e talohaga atu ki a te koe, ke kikila ake ko ki toku ataliki — toku ataliki lava e fokotahi!

Luka 9:38 ပူးပေါင်းရင်းမြစ်များ

Mataio 15:22

Oi hau ai te fafine Kanana e nofo i te kogāfenua tēnā, e tagi ma kalaga vē atu ki a Iehu, “Te Aliki! Te Ataliki o Tavita, alofa mai ko ki a te au. Ko taku tama teine e ulufia e he tēmoni oi e i he tūlaga kino lahi lele.”

Luka 7:12

Na pa atu lava ia Iehu ki te faitotoka o te kakai, kae fakahao mai te holo, e hiki mai he tino kua oti. Ko te tamāloa kua oti, he tama tautahi e a he fafine kua oti tana āvaga, ma nae fakatahi ma te mātua he kaifenua e tokalahi mai te kakai.

Luka 9:37

I te aho alafaki, oi ōifo ai ia Iehu ma ona hoko e toka tolu ki lalo mai te mauga, ma na fakafetaui atu ia e he kaifenua tokalahi.

Luka 9:39

E teki lava kua kekē, e ulufia e he agaga kino. E fakatete tona tino e te agaga kino, ma hau te piapia i nā gutu; e fakatāugā e ia toku ataliki, ma e tau hē teka kehe lele ma ia!

Ioane 4:47

I te ia lagonaga ko Iehu kua fanaifo mai Iutea ki Kalilaia, oi fano ai kua talohaga ki ei, ke fanake ki Kapenaumi oi fakamālōlō tona ataliki e tauale, kua tāli oti.