Luka 9:31 - Tokelauan New Testament

³¹ kua fakaali mai o lā tino i te mamalu fakatelagi, ma e faitatala ma Iehu e uiga ki te auala ka ia fakataunukua ai te fuafuaga a te Atua, e ala i te mate o ia, i Ieluhalema.

Luka 9:31 ပူးပေါင်းရင်းမြစ်များ

Luka 9:22

Kua toe vāgana atu ia Iehu ki a te ki lātou, “Ko te Ataliki o te Tagata e tatau ke maua i nā puapuagā e lahi ma teteke ki ei ia toeaina, nā ohitāulaga hili, ma nā faiakoga o te Tūlāfono. Ka tuku atu ia ke tāmate, kae i tona tolu o aho, ka toe fakatū mai ai mai te oti.”

Luka 9:30

Kae teki lava kua toka lua ia tamāloa e faitatala ma Iehu. Ko Mohe ma Elia,

Ioane 1:29

I te aho alafaki na kitea atu ai e Ioane ia Iehu e agai mai ki a te ia, oi lea ai vē, “Kikila, tēia te Punuamāmoe a te Atua e kave keheagia ia agahala a te lalolagi!

2 Kolinito 3:18

Ko ki tātou uma la te kitea ai te huhulu pupula o te Aliki e ala i o tātou fōliga e hē pupunia i he kie ufimata; ma ko te huhulu pupula lava tēnā e fokotahi e hau mai te Aliki, ko ia ko te Agaga, e ia fakaliuagia ki tātou ke vē lava ko ia, i he huhulu pupula e hilihili te uiga kehe.

Filipi 3:21

Ka hui e ia o tātou tino e pala ke vē ko tona tino mamalu, ma ko tona mana e ia mafaia ai oi tuku ia mea uma ki lalo o tana pule.

Kolohe 3:4

Ko te ola moni o koutou ko Keliho, ma kāfai e hau, oi ko koutou foki ka ōmamai fakatahi ma ia, ma ka i ei fakatahi koutou i tona mamalu.

Epelu 11:22

Ko te fakatuatua te na tautala ai ia Iohefa i te taimi ka oti ai, e uiga ki te olo kehega o tagata Ihalaelu mai Aikupito, ma tuku atu ai nā fakatonuga ki te mea e tatau ke fai ki tona tino, kāfai ia e oti.

1 Petelu 5:10

Kāfai e uma atu nā taimi e puapuagā ai koutou, ko te Atua o te alofa tūnoa tē e ia kalagagia koutou ke i ei i tona mamalu tūmau i te māfutaga ma Keliho, ka ia toe fakakātoatoagia koutou, ma lagolago ma fakamākeke atu.

2 Petelu 1:15

Ka taumafai la au ki te mea e gata mai ai toku mafai, ki he faiga ke manatua ai pea e koutou nā mea iēnei, kāfai e uma toku ola.

Fakaaliga 7:14

Kua lea vē atu au ki ei, “Te aliki, e hē kō iloa kae e kē iloa.” Oi lea mai ai ki a te au, “Ko nā tino iēnei kua hao mai i nā puapuagā e lahi. Kua uma te ufi e ki lātou o lātou kofu, ma fakapaepae i te toto o te Punuamāmoe.