Luka 9:30 - Tokelauan New Testament

³⁰ Kae teki lava kua toka lua ia tamāloa e faitatala ma Iehu. Ko Mohe ma Elia,

Luka 9:30 ပူးပေါင်းရင်းမြစ်များ

Luka 1:17

Ka muamua atu ia i te Aliki, ma e mākeke ma lototele, e vē ko te pelofeta ko Elia. Ka fakaliliu e ia ia loto o mātua ki a lātou fānau; ka fakaliliu e ia nā tino fakalogo gatā ke toe kui i nā auala o te āmiotonu; ka tāpena e ia nā tino o te Aliki, ke hāuniuni mo ia.”

Luka 24:27

Oi fakamālamalama ai ki ei e Iehu nā mea kua tākua i nā Tuhituhiga Paia uma, e uiga ki a te ia, e kāmata mai i nā tuhi a Mohe ma nā tuhituhiga a te kau pelofeta uma.

Luka 24:44

Oi vāgana atu ai ki a te ki lātou, “Ko iēnei tonu lava nā mea nae lea atu ai au ka koi māfuta ki tātou: ko nā mea uma lele kua tūhia e uiga ki a te au i nā Tūlāfono a Mohe, nā tuhituhiga a te kau pelofeta ma nā Halamo, e tatau lava ke taunuku.”

Luka 9:19

Kua tali mai ki lātou, “Ko Ioane te Papatiho; kae ko iētahi tino e lea ko koe ko Elia, ka ko iētahi e lea ko koe he tino o te kau pelofeta mai te kāloā, kua toe ola mai.”

Luka 9:29

Koi tatalo ia Iehu, ka kua i ei te hūiga i ona fōliga, ma ona kofu kua paepae hihina.

Luka 9:31

kua fakaali mai o lā tino i te mamalu fakatelagi, ma e faitatala ma Iehu e uiga ki te auala ka ia fakataunukua ai te fuafuaga a te Atua, e ala i te mate o ia, i Ieluhalema.

Ioane 1:17

Ko nā Tūlāfono, na tuku mai e te Atua kui mai ia Mohe; kae ko te alofa tūnoa ma te meamoni, na kui mai ia Iehu Keliho.