Luka 9:28 - Tokelauan New Testament

²⁸ Kua kātoa te valu o aho talu te lea atu o Iehu i nā mea iēnei, oi kave ai e ia ia Petelu, ma Ioane ma Iakopo, kua olo fakatahi ma ia ki luga o he mauga, ke tatalo ai.

Luka 9:28 ပူးပေါင်းရင်းမြစ်များ

Mataio 14:23

Kua mātuku atu ia tagata, oi fano tautahi ai ia Iehu ki luga o he mauga ke tatalo ai. Kua pa ki te afiafipō kae koi i ei tautahi lava ia Iehu i kinā;

Mataio 5:1

Kua kitea atu e Iehu te kaifenua oi fano ai ki luga o he mauga. Kua nofo ki lalo i kinā, oi ōmamai ai nā hoko o ia ki ona tafa.

Maleko 1:35

I te taeaopōpō o te aho alafaki ka ko hēki matea he tino, na fano ai ia Iehu ki he mea gāogāo i fafo o te kakai oi tatalo ai.

Maleko 6:46

Kua mātuku atu ia tagata, oi fano ai ia Iehu ki luga o he mauga ke tatalo ai.

Luka 3:21

Kua uma te papatiho o nā tino uma lele, oi papatiho ai foki ia Iehu. Ka koi tatalo ia Iehu, kae matala ifo te lagi,

Luka 5:16

Kae ko Iehu kua fano ki te vao, oi tatalo ai.

Luka 6:12

I nā aho lava iēnā, na fano ai ia Iehu ki luga o he mauga oi tatalo ai; na fano te pō kātoa e tatalo ki te Atua.

Luka 8:51

I te pa atuga o Iehu ki te fale, e hēki fakataga e ia he tino ke fanake i tana kau ki lotofale, vaganā ai ia Petelu, ma Ioane, ma Iakopo, ma te tamana ma te mātua o te tamaiti.

Luka 9:18

I tētahi aho nae tatalo tautahi ai ia Iehu, kae ōmamai ki ei ona hoko. Oi fehili atu ai ia Iehu ki ei, “Ko nā tino e lea, ko ai au?”

Ioane 6:3

Oi fano ai ia Iehu ki luga o he mauga, kua nofo ki lalo i kinā fakatahi ma ona hoko.

2 Kolinito 13:1

Ko te tolu tēnei o taimi e fanatu ai au oi āhiāhi atu ki a te koutou. E vē oi lea mai te tuhituhiga paia, “Ho he mōliaga, e tatau ke fakamāonia i te molimau, a ni tino e toka lua pe hili atu.”

Epelu 5:7

I te ōlaga o Iehu i te lalolagi nei, nae tatalo ma ole atu ma te leo lahi ma te maligi o loimata ki te Atua, tē e ia mafaia oi fakahao ia mai te mate. Ona ko Iehu e loto maulalo ma na ofo kātoatoa atu ia mo te Atua, na tali mai ai ki ei te Atua.

2 Petelu 1:16

Ko ki mātou e hēki fakalagolago ki ni tala fatu, i te ki mātou fakailoa atuga ki a te koutou e uiga ki te mana ma te haele mai o to tātou Aliki ko Iehu Keliho. Na kikila lelei lava o mātou mata ki tona mamalu lahi.