Luka 8:54 - Tokelauan New Testament

⁵⁴ Ka kua tago atu ia Iehu ki te lima o te tamaiti ma lea vē atu ki ei, “Te tautiti, nofo ki luga!”

Luka 8:54 ပူးပေါင်းရင်းမြစ်များ

Mataio 9:25

Kua uga e Iehu nā tino ki fafo o te fale, oi fano ai ki te potu o te tautiti kua tago ki te lima, oi tū ake ai loa ki luga te tautiti.

Maleko 1:31

Oi hau ai ia Iehu kua tago ki te lima o te fafine ma fakatū ki luga. Kua fano kehe te fiva mai te fafine, oi fano ai oi laulau te lātou meakai.

Maleko 8:23

Na puke atu loa ia Iehu ki te lima o te tāuaho oi tataki ai e ia ki fafo o te kakai. Kua feanu ia Iehu ki nā mata o te tāuaho ma fakauta atu ona lima ki ona luga, kae fehili vē atu ki ei, “E kē kitea he mea?”

Maleko 9:27

Ka kua tago atu ia Iehu ki te lima o te taumalo kua fakatū ki luga, oi tū ai ki luga.

Luka 8:51

I te pa atuga o Iehu ki te fale, e hēki fakataga e ia he tino ke fanake i tana kau ki lotofale, vaganā ai ia Petelu, ma Ioane, ma Iakopo, ma te tamana ma te mātua o te tamaiti.

Luka 8:53

Ka kua kāmata oi fakatauemu ki lātou ki a Iehu, ona kua ki lātou iloa, ko te tamaiti kua oti.

Luka 8:55

Oi toe ola ai te tamaiti, ma na tū ake ai loa ki luga i te taimi lava tēnā; oi fakatonu ai e Iehu ki lātou, ke fōki he mea ma te tamaiti ke kai.

Ioane 11:43

Kua lea vēnā atu ia, oi kalaga leo lahi ai vē, “Lahalo, hau ki fafo!”

Ioane 5:21

E vē ona fakatutū e te Tamana nā tino kua oti ma fōki ki ei te ola, e vēnā foki ona fōki atu e te Ataliki te ola, ki nā tino e loto ia ke ki lātou maua.

Gāluega 9:40

Kua uga e Petelu ia tagata uma ki fafo o te potu, ma tōtuli ai ki lalo ma tatalo; oi māfuli atu ai ki te tinooti ma lea vē atu ki ei, “Tapita, tū ki luga!” Na pupula loa ia mata o te fafine, ma i te ia kitea atuga o Petelu, oi nofo ai ki luga.

Loma 4:17

e vē oi tūhia i te tuhituhiga paia, “Kua kō faia koe ma tamana o mālō e lahi.” Ko te folafolaga la e lelei i te kikila a te Atua, te Atua nae talitonu ki ei ia Apelaamo — te Atua e ia toe fakatutūa nā tino kua oti, ma ko tana fakatonuga e maua ai te ola e nā mea nae hēki i ei muamua.