Luka 8:50 - Tokelauan New Testament

⁵⁰ Kae i te lagona atuga e Iehu o te mea tēnei, oi lea vē atu ai ki a Iāilo, “Ia koe nā mataku; talitonu oioti, oi mālōlō ai tō afafine.”

Luka 8:50 ပူးပေါင်းရင်းမြစ်များ

Maleko 5:36

Kae e hēki fia tokaga ia Iehu kinā mea kua lea ai ki lātou, ka kua lea vē atu ki a Iāilo, “Ia koe nā mataku; talitonu oioti.”

Maleko 9:23

Kua lea atu Iehu ki ei, “He ā te lea vē ai koe, ‘Kāfai e kē mafaia’? E mafai ia mea uma e te tino e fakatuatua.”

Luka 8:48

Oi vāgana atu ai ia Iehu ki ei, “Toku afafine, ko tō fakatuatua kua mālōlō ai koe. Fano la, ma ke ia te koe te fīlēmū.”

Luka 8:51

I te pa atuga o Iehu ki te fale, e hēki fakataga e ia he tino ke fanake i tana kau ki lotofale, vaganā ai ia Petelu, ma Ioane, ma Iakopo, ma te tamana ma te mātua o te tamaiti.

Ioane 11:25

Kua vāgana atu ia Iehu, “Ko au ko te toetū ma te ola. Ko nā tino e talitonu mai ki a te au ka ola, e ui lava e oti;

Ioane 11:40

Kua lea atu ia Iehu ki a Mafa, “E hēki lea atu au e mafai ke kitea e koe te mana o te Atua, kāfai koe e talitonu?”

Loma 4:17

e vē oi tūhia i te tuhituhiga paia, “Kua kō faia koe ma tamana o mālō e lahi.” Ko te folafolaga la e lelei i te kikila a te Atua, te Atua nae talitonu ki ei ia Apelaamo — te Atua e ia toe fakatutūa nā tino kua oti, ma ko tana fakatonuga e maua ai te ola e nā mea nae hēki i ei muamua.

Loma 4:20

E hēki teka kehe lele tona fakatuatua ma e hēki māhalohalo lele foki ki te folafolaga a te Atua; ko tona fakatuatua nae maua lahi ai e ia te mālohi, ma nae viviki ake ai ia ki te Atua.