Luka 8:5 - Tokelauan New Testament

⁵ “Nae i ei he tino na fano oi lūlū ni haito i tona fatoaga. I te lūlūga e ia o nā fatu haito, na pakukū ai iētahi fatu haito ki luga o te auala, oi holi ai i nā vae o tagata ma ōmamai nā manulele oi kai.

Luka 8:5 ပူးပေါင်းရင်းမြစ်များ

Mataio 13:37

Kua tali mai ia Iehu, “Ko te tamāloa na ia lūlūa nā fatu haito lelei ko te Ataliki o te Tagata;

Mataio 5:13

“Ko koutou e vē ko he māhima ki tagata uma o te lalolagi. Kae kāfai te māhima kua uma tona kokona, e mafai vēhea nei ke toe fakakokona? E hē toe aogā ki he mea kae nā ko te togi lava ki fafo ma holi i vae o tagata.

Maleko 4:15

Ko iētahi tino e fakatuha ki nā fatu haito na lūlū ki luga o te auala; ko te taimi lava e ki lātou lagona ai te fekau, oi hau ai ia Hātani oi toe kave kehe.

Luka 8:4

Kua gāholo mai pea nā tino mai tēia kakai ma tēia kakai ki a Iehu, ma kua tokalahi lele ai te kaifenua kua fakapotopoto. Oi fai ai e Iehu te talafakatuha tēnei ki a te ki lātou:

Luka 8:6

Ko iētahi na pakukū ki luga o te kelekele fatufatua, ma i te ola akega oi kāmata ai oi magumagu, ona ko te kelekele e hē huhū.

Epelu 2:1

Ko te mea ia e tatau ai ke tāofi mau ki tātou ki te meamoni kua fakalogo ki tātou ki ei, kae ke nahe tāfea kehe mai ai ki tātou.