Luka 8:42 - Tokelauan New Testament

⁴² auā ko tona afafine fokotahi, kua hefululua ona tauhaga, kua tali oti lele. Koi fanatu ia Iehu agai ki ei, ka kua nunu lele atu te kaifenua ki nā itū uma o ia.

Luka 8:42 ပူးပေါင်းရင်းမြစ်များ

Maleko 5:24

Oi fano ai ia Iehu kua olo ma Iāilo. Ko te tokalahi o nā tino nae mulimuli ki a Iehu, kua nunu lele atu ai ia tagata ki nā itū uma o ia.

Luka 7:12

Na pa atu lava ia Iehu ki te faitotoka o te kakai, kae fakahao mai te holo, e hiki mai he tino kua oti. Ko te tamāloa kua oti, he tama tautahi e a he fafine kua oti tana āvaga, ma nae fakatahi ma te mātua he kaifenua e tokalahi mai te kakai.

Luka 8:41

Oi hau ai he tamāloa e igoa ki a Iāilo; he takitaki o te hūnako. Kua fakapakū ki tafa o nā vae o Iehu, ma fakatagi ki ei ke fanake ki tona fale,

Luka 8:43

Nae i te kaifenua tēnā, he fafine kua kātoa te hefululua tauhaga e tauale i te punatoto; kua mole ana tupe i te totōgiga o nā fomai kae e hēki mafai ke fakamālōlō e he tino.

Luka 8:45

Oi kua fehili vē atu ia Iehu, “Ko ai te na paki mai tona lima ki a te au?” Na fakafiti uma ia tagata, oi lea vē atu ai ia Petelu ki ei, “Te tamana, ko tagata kua hiko fakatakamilo ma nunu mai ki a te koe.”

Loma 5:12

Ko te agahala na hau ki te lalolagi i he tino e fokotahi, ma ko tana agahala na kaumai ai foki ma te oti. Ona ko te mea tēnei, kua pa ai te oti ki te lalolagi kātoa, auā ko tagata uma lele kua agahala.