Luka 8:33 - Tokelauan New Testament

³³ Oi olo ai nā tēmoni ki fafo mai te tamāloa ma ulu ki loto o nā puaka. Kua fētutuli ifo te lafu puaka ki lalo i te tafatō ki loto o te vaitūloto, ma mālelemu uma ai.

Luka 8:33 ပူးပေါင်းရင်းမြစ်များ

Mataio 8:32

Kua lea atu ia Iehu, “Olo kehe loa.” Oi olo kehe ai nā tēmoni, kua ulu ki loto o nā puaka. Kua fētutuli ifo te lafu puaka ki lalo i te tafatō o te mauga ki loto o te vaitūloto, ma mālelemu uma ai.

Luka 5:1

I tētahi aho, ko Iehu nae tū i te matāfaga o te Vaitūloto ko Kenehaleta, kae kua nunu atu ia tagata ki a te ia, ke fakalogologo ki te kupu a te Atua.

Luka 8:32

E i ei he lafu puaka lahi nae i kinā, nae kakai i tafa o he mauga. Oi fakatagi atu ai nā tēmoni ki a Iehu, ke tuku ake ki lātou ke olo oi ulu ki nā puaka, oi fakataga ai ki lātou e ia.

Luka 8:34

I te kitea atuga e nā tino nae kikilagia nā puaka te mea kua tupu, oi fētutuli ai ma fakailoa te mea tēnei ki te kakai ma te kogāfenua kātoa tēnā.

Ioane 8:44

Ko koutou ko nā fānau a te koutou tamana, te Tiāpolo, ma e fofou lava koutou ke fai te mea e fofou ia ki ei. Mai te kāmataga, ko ia ko he fahioti tagata ma nae hē fofou lele ki te meamoni, ona e hēai he meamoni e ia te ia. Kāfai e tautala i te pepelo, e fai lava e ia te mea kua māhani ai, auā ko ia ko he tino talapepelo, ma ko te tamana o talapepelo uma.

1 Petelu 5:8

Koutou ke mataala ma kikila fakalelei! Ko te fili o koutou, te Tiāpolo, e eva ma taukekē e vē he leona, oi hakili he tino ke ia kaia.

Fakaaliga 9:11

E i ei to lātou tupu e pule ki a te ki lātou, ko te agelu tēnā e pule i te lua e hēai he gataga o tona loloto. Ko tona igoa i te gagana Epelu ko Apatone; i te gagana Eleni ko te igoa tēnei ko Apolione (ko tona uiga “Te tino e Fakakinoagia”)