Luka 8:31 - Tokelauan New Testament

³¹ Oi fakatagi atu ai ki lātou ki a Iehu ke nahe ia fakatonua ke uga ki lātou ki lalo ki te lua e hēai he gataga o tona loloto.

Luka 8:31 ပူးပေါင်းရင်းမြစ်များ

Mataio 25:41

“Oi ka lea vē atu ai ki nā tino i tona itū tauagavale, ‘Olo kehe ma au, koutou nā tino kua fakamālaiagia e te Atua. Olo ki te afi e hē mate kua uma te hāunia mo Hātani ma ana agelu!

Luka 8:28

I te ia kitea atuga o Iehu, oi kekē lahi ai kae fakapakū ki tafa o ona vae, ma taukalaga vē, “Iehu, te Ataliki o te Atua Hilihilikehe! He ā ko ta koe e fai mai ki a te au? Ko au e fakatagi atu ke nahe kē fakahāuā mai ko ki a te au!”

Luka 8:32

E i ei he lafu puaka lahi nae i kinā, nae kakai i tafa o he mauga. Oi fakatagi atu ai nā tēmoni ki a Iehu, ke tuku ake ki lātou ke olo oi ulu ki nā puaka, oi fakataga ai ki lātou e ia.

Loma 10:7

“Ia koe foki nahe lea vē, Ko ai te ka fano ki lalo ki te lalolagi o tagata oti?” (ke kavake ia Keliho ki luga mai te oti).

Fakaaliga 11:7

Kāfai e uma te molimaugia e ki lāua te fekau a te Atua, e fanake ki luga te manu fekai mai te lua e hēai he gataga o tona loloto, oi tau ma ki lāua; ma ka ia fakatōkilalogia ma tāmatea ki lāua,

Fakaaliga 17:8

Ko te manu fekai na kitea e koe, nae ola muamua kae nei kua hē toe ola; ma kua hāuni ka fanake ki luga mai te lua e hēai he gataga o tona loloto, ma fano ki te mea ka fakaumatia ai. Ko nā tino e nonofo i te lalolagi ko hēki tūhiagia o lātou igoa ki te tuhi o tagata ola ka ko hēki gaohia ai te lalolagi, ka ofo lahi lele kāfai e kikila ki te manu fekai. Nae ola muamua kae nei kua hē toe ola, kae e toe hula mai.

Fakaaliga 19:20

Kua puke fakapagotā te manu fekai fakatahi ma te kau pelofeta pepelo nae ki lātou faia ni vāvega mo te manu fekai. (Ko nā vāvega iēnei te na ia fakahehēa ai ki lātou kua i ei te fakailoga a te manu fekai, ma ki lātou nae ifo ki nā fakatuha o te manu fekai.) Ko te manu fekai ma te kau pelofeta pepelo kua togi ola ki loto o te vaitūloto o te afi mumū ma te teiō.

Fakaaliga 9:11

E i ei to lātou tupu e pule ki a te ki lātou, ko te agelu tēnā e pule i te lua e hēai he gataga o tona loloto. Ko tona igoa i te gagana Epelu ko Apatone; i te gagana Eleni ko te igoa tēnei ko Apolione (ko tona uiga “Te tino e Fakakinoagia”)