Luka 8:28 - Tokelauan New Testament

²⁸ I te ia kitea atuga o Iehu, oi kekē lahi ai kae fakapakū ki tafa o ona vae, ma taukalaga vē, “Iehu, te Ataliki o te Atua Hilihilikehe! He ā ko ta koe e fai mai ki a te au? Ko au e fakatagi atu ke nahe kē fakahāuā mai ko ki a te au!”

Luka 8:28 ပူးပေါင်းရင်းမြစ်များ

Mataio 8:29

Ko te taimi lava na kitea ai e ki lāua ia Iehu, oi taukalalaga vē atu ai ki ei, “E, te Ataliki o te Atua, he ā ko ta koe e fai mai ki a te ki māua? Ko koe kua hau ke fakahāuā mai ki a te ki māua ka ko hēki pa ki te taimi e tatau ai?”

Luka 8:27

E tū ake ia Iehu ki gāuta, kae fakafetaui atu ki ei he tamāloa e hau i te kakai, e ulufia e nā tēmoni. Kua lahi lele nā aho e eva vē ai e hēai ni ona kie, ma kua hē nofo i he fale, kae kua nofo lava i nā tugamau.

Luka 8:29

Ko te tamāloa na lea vēnei, ona na fakatonu e Iehu te agaga kino, ke fano ki fafo o ia. Kua lahi nā taimi e ulufia ai te tamāloa, ma e ui lava nae noanoa nā lima ma nā vae i nā filifili ukamea, ka nae tamotu lava e ia nā filifili ukamea, ma tuli e te tēmoni ki te vao.

Iakopo 2:19

E talitonu koe e fokotahi oioti te Atua? Te lelei! Ko nā tēmoni foki e talitonu — ma e tete o lātou tino i te mātataku.

2 Petelu 2:4

E hēki fakahaoa e te Atua nā agelu na agahala, kae na togi ki heoli, te mea e noanoa ai i nā filifili i te pōgihā, ma fakatalitali ai mo te Aho Fakamahino.

1 Ioane 3:8

Ko ai lava e ia faia pea lava te agahala, ko ia tēnā e o te Tiāpolo, auā ko te Tiāpolo na agahala mai lava i te kāmataga. Ko tēnei tonu lava te mea na hula mai ai te Ataliki o te Atua, ke fakahēaogā nā gāluega a te Tiāpolo.

Fakaaliga 20:10

Oi togi ai te Tiāpolo, tē nae ia fakahehēa ki lātou, ki loto o te vaitūloto o te afi ma te teiō, te mea kua uma te togi ki loto te manu fekai ma nā pelofeta pepelo; ma ka fakatīgāina ai pea ki lātou i kinā i te pō ma te ao, ke pa lava ki te fakavavau fakavavau lava.