Luka 8:25 - Tokelauan New Testament

²⁵ Oi lea atu ai ia Iehu ki ona hoko, “Tēfea te koutou fakatuatua?” Kae kua ofo lele ma mātataku ki lātou, ma lea vē tētahi ki tētahi, “Ko ai te tagata tēnei? E fakatonu e ia te matagi ma nā galu, ma e uhitaki foki lava ki a te ia!”

Luka 8:25 ပူးပေါင်းရင်းမြစ်များ

Mataio 14:31

Na papae atu ai loa lava ia Iehu i te taimi tēnā oi tāofi mai te lima o Petelu ma lea vē atu ki ei, “Kai te taigole ātili lele o tō fakatuatua! He ā te na māhalohalo ai koe?”

Mataio 17:20

Kua tali mai ia Iehu “E hēki mafai e koutou, ona e hē lava te koutou fakatuatua. Auā e lea atu au ki a te koutou, kana ia te koutou he fakatuatua e vē ko te lahi o he fatu hīnapi, e mafai ke lea koutou ki te mauga tēnei, ‘fano vē ki ko,’ oi e fano. E mafai e koutou oi fai ho he mea.”

Mataio 6:30

Kae kāfai ko te Atua te ia fakakofua te mutia ola vale, te ia e ola mai i te aho nei kae taeao e togi ki loto o te ogāumu ke huhunu, ka hē hili atu nei la ona mautinoa ka ia fakakofua koutou? Kai te taigole ātili o te koutou fakatuatua!

Mataio 8:10

I te lagona atuga e Iehu o nā kupu iēnei a te takitakikau, oi na ofo lele ai; oi vāgana atu ai ki nā tino e tau mulimuli mai ki a te ia, “E lea atu au ki a te koutou, e hēki kō iloa lele he tino i Ihalaelu e vēnei hona fakatuatua!

Mataio 8:26

Ka kua tali atu ia Iehu ki a te ki lātou, “He ā te mātataku ai koutou? Kai te taigole lele o te koutou fakatuatua!” Oi tū ai ia Iehu ki luga kua fakatonu te matagi ma nā galu ke mālū, oi toku ai loa te matagi ma toka te tai, ma kua tokihi te malino.

Maleko 4:35

I te afiafipō o te aho lava tēnā, na vāgana atu ai ia Iehu ki ona hoko, “Tātou olo ki tētahi itū o te vaitūloto.”

Luka 12:28

Kae kāfai ko te Atua te ia fakakofua te mutia ola vale, te ia e ola mai i te aho nei, kae taeao e togi ki loto o te ogāumu ke huhunu, ka hē hili atu nei la ona mautinoa ka ia fakakofua koutou? Kai te taigole ātili o te koutou fakatuatua!

Luka 8:24

Oi olo ai te kau hoko oi fafagu ia Iehu ma lea vē atu ki ei, “E te tamana! Ko ki tātou ka feoti!” Kua nofo ake ki luga ia Iehu, oi fakatonu ai e ia te matagi ma nā galu; ma na toku ai loa te matagi ma toka ma te tai, ma kua tokihi te malino.

Luka 8:26

Na fakaauau pea te malaga a Iehu ma ona hoko, oi taunuku atu ai ki te kogāfenua e igoa ki a Kelaha, e i tētahi itū o te vaitūloto, e fakafehagai ma Kalilaia.

Ioane 11:40

Kua lea atu ia Iehu ki a Mafa, “E hēki lea atu au e mafai ke kitea e koe te mana o te Atua, kāfai koe e talitonu?”