Luka 8:24 - Tokelauan New Testament

²⁴ Oi olo ai te kau hoko oi fafagu ia Iehu ma lea vē atu ki ei, “E te tamana! Ko ki tātou ka feoti!” Kua nofo ake ki luga ia Iehu, oi fakatonu ai e ia te matagi ma nā galu; ma na toku ai loa te matagi ma toka ma te tai, ma kua tokihi te malino.

Luka 8:24 ပူးပေါင်းရင်းမြစ်များ

Mataio 14:30

Kae i te ia kitea atuga ko te matagi e mālohi, oi lagona ai loa e ia te mataku ma kāmata ai oi goto ki lalo o te vai. Oi kalaga ai vē, “Te Aliki, fakaola ko au!”

Mataio 8:25

Oi olo ai te kau hoko oi fafagu ia Iehu ma lea vē atu ki ei, “Te Aliki, fakaola ko ki tātou auā ki tātou ka feoti!”

Maleko 4:39

Na tū ake loa ia Iehu ki luga, oi fakatonu vē atu te matagi, “Tokihi loa!” kua lea vē atu foki ki nā galu, “Totoka loa!” Oi toku ai loa te matagi ma toka te tai, ma kua tokihi te malino.

Luka 4:35

Kae kua muna atu ki ei ia Iehu, kua lea vē atu, “Te piha kae hau loa ki fafo o te tino tēnā!” Na togi loa e te tēmoni te tamāloa ki lalo i mua o ki lātou, oi fano ai ki fafo kae e hēki ia faia he mea ke āfāina ai te tamāloa.

Luka 4:39

Oi fano ai ia Iehu, kua tū i tafa o te moega o te fafine kae fakatonu te fiva ke fano kehe mai te fafine. Kua fano kehe te fiva mai te fafine, oi tū ake ai loa ki luga i te taimi lava tēnā, oi laulau te lātou meakai.

Luka 5:5

Ka kua tali mai ia Himona, “Te tamana, na fano te pō kātoa e fāgogota ki mātou, kae e hēki maua he mea. Kae kāfai koe kua lea vēnā mai, ka tuku la e au nā kupega ki lalo.”

Luka 8:25

Oi lea atu ai ia Iehu ki ona hoko, “Tēfea te koutou fakatuatua?” Kae kua ofo lele ma mātataku ki lātou, ma lea vē tētahi ki tētahi, “Ko ai te tagata tēnei? E fakatonu e ia te matagi ma nā galu, ma e uhitaki foki lava ki a te ia!”