Luka 8:16 - Tokelauan New Testament

¹⁶ “E hēai he tino e ia tutua he mōlī, oi tatao ai i he tānoa, pe tuku ki lalo o he hofa. Kae e tuku ki luga o he tugāmōlī, kae ke kitea te mālamalama e nā tino e ulu ki lotofale.

Luka 8:16 ပူးပေါင်းရင်းမြစ်များ

Luka 11:33

“E hēai he tino e ia tutua he mōlī oi mumuni ai, pe tuku ki lalo o he kumete; kae e fakatū lava ki luga o he tugāmōlī, kae ke kitea ai te māina e nā tino e ulu ki lotofale.

Luka 8:15

Ka ko nā fatu haito na lūlū ki luga o te kelekele lelei, e fakatuha ki nā tino e ki lātou lagona te kupu ma tāofi mau ki ei ma te fakamāoni ma te loto lelei, ma onohai pea lava ke pa ki te taimi e fua mai ai.

Gāluega 26:18

Ka fakapupula e koe o lātou mata ma liliu kehe ki lātou mai te pōuliuli ki te mālamalama, mai te pule a Hātani ki te pule a te Atua, kae ke kavea ai to lātou fakatuatua mai ki a te au ma mea ka fakamāgalo ai a lātou agahala, ma kavea ai ki lātou ma vāega o tagata kua filifilia e te Atua.’

Fakaaliga 1:20

Ko tēnei te uiga lilo o nā fetu e fitu e kitea e koe i toku lima taumatau, ma nā tugāmōlī aulo e fitu; ko nā fetu e fitu ko nā agelu ia o nā Ekalehia e fitu, ma ko nā tugāmōlī e fitu ko nā Ekalehia iēnā e fitu.

Fakaaliga 11:4

Ko nā molimau e toka lua, ko nā lākau ōlive e lua ma nā tugāmōlī e lua e tutū i mua o te Aliki, tē e pule i te lalolagi kātoa.