Luka 7:6 - Tokelauan New Testament

⁶ Oi fano ai ia Iehu kua olo ma nā toeaina. Kua hē mamao ia Iehu ma te fale, kae uga mai e te takitakikau ni uō e a ia, ke lea vē ki ei, “Te Aliki, koe nahe fakafītā. Ko au ko he tino fakatauva ma e hē talafeagai ke ulu koe ki loto o toku fale,

Luka 7:6 ပူးပေါင်းရင်းမြစ်များ

Mataio 20:28

e vē ko te Ataliki o te Tagata e hēki hau kae ke kaukauna ake ai ia tagata ki a te ia, kae na hau ke kaukauna ki tagata ma tuku atu tona ola ke fakaola ai te tokalahi.”

Mataio 3:11

E kō papatihoa koutou i te vai ke iloa ai ko koutou kua halamō, kae ko tē e mulimuli mai ia te au, e hilihili kehe atu tona mamalu i lo au, ma e hē aogā au ke kō taukaveagia ona hēvae. Ka ia papatihoa koutou i te Agaga Paia ma te afi.

Maleko 5:24

Oi fano ai ia Iehu kua olo ma Iāilo. Ko te tokalahi o nā tino nae mulimuli ki a Iehu, kua nunu lele atu ai ia tagata ki nā itū uma o ia.

Luka 5:8

I te kiteaga e Himona Petelu o te mea tēnei kua tupu, oi tōtuli ifo ai i mua o Iehu ma lea vē atu, “Te Aliki, fano kehe ko ma au, auā ko au ko he tino agahala!”

Luka 7:4

Oi ōmamai ai nā tino iēnei ki a Iehu, kua fakatagi vē atu ki ei ma te agaga naunau, “Ko te tino tēnei he tino lelei, ma e tatau koe ke fehoahoani ki ei.

Luka 7:5

He tino e alofa ki o tātou tagata, ma na fau foki e ia te tātou hūnako.”

Luka 7:7

pe ko toku fanatu foki ki a te koe. Kae tau lava ko hau kupu, ma ka mālōlō ai taku kaukauna.

Luka 8:49

Ka koi tautala vēnei atu ia Iehu, kae pa mai he faifekau mai te fale o Iāilo, kua lea vē atu ki a Iāilo, “Ko tō afafine kua oti; nahe toe fakalavelave tauanoa la ki te Faiakoga.”

Gāluega 10:38

Kua koutou iloa te tala ki a Iehu te Nahaleta, i te liligi ifoga e te Atua ki ona luga te Agaga Paia ma te mana. Na fano ki nā koga kehekehe, ma ia faia nā gāluega lelei ma fakamālōlō ki lātou nae i lalo o te pule a te Tiāpolo, ona nae fakatahi te Atua ma ia.

Iakopo 4:10

Fakamaulalo i mua o te Aliki, oi hiki ake ai koutou e ia ki luga.

Iakopo 4:6

Kae ko te alofa tūnoa o te Atua e hili atu tona mālohi. E vēia oi lea mai te tuhituhiga paia, “Ko te Atua e teteke ki nā tino fakamaualuga kae fakaali tona alofa tūnoa ki nā tino loto maulalo.”