Luka 7:25 - Tokelauan New Testament

²⁵ He ā la te na olo koutou ke kikila ki ei? He tamāloa e lākei i ni lākei uiga kehe te gali? Ko nā tino e lākei i nā lākei vēnei ma ola i he ōlaga taugatā, e nonofo i nā fale o nā tupu!

Luka 7:25 ပူးပေါင်းရင်းမြစ်များ

Mataio 11:8

He ā te na olo koutou ke kikila ki ei? He tamāloa e lākei i ni lākei uiga kehe te gali? Ko nā tino e lākei i nā lākei vēnei e nonofo i nā fale o nā tupu!

Mataio 3:4

Ko nā kofu o Ioane nae fai i nā fulufulu kāmela; nae fai tona fuhi pakumanu i tona taugātiti, ma ko ana meakai ko te hē akelihe ma te melivao.

Mataio 6:29

Kae e lea atu au ki a te koutou, ke pa lava ki te Tupu ko Holomona ma te lahi o ana koloa, e hēki ia maua ni kofu mānanaia e vē ko he tiale o nā tiale iēnei.

Luka 16:19

“Nae i ei he tamāloa maukoloa nae kofu i nā lākei e pito hili te taugatā ma kai i nā meakai e pito hili te lelei, i aho uma.

Luka 7:24

Kua olo kehe nā kavefekau a Ioane, oi kāmata ai oi tautala atu ia Iehu ki te kaifenua, e uiga ki a Ioane: “I te koutou ologa ki a Ioane i te vao, he ā te nae fia kikila koutou ki ei? He lau mutia e agina i te matagi?

Luka 7:26

Lea mai ake, he ā te na olo koutou ke kikila ki ei? He pelofeta? Io e hako, ka ko te tino na koutou kiteagia e hili atu tona tāua i lo he pelofeta.