Luka 7:24 - Tokelauan New Testament

²⁴ Kua olo kehe nā kavefekau a Ioane, oi kāmata ai oi tautala atu ia Iehu ki te kaifenua, e uiga ki a Ioane: “I te koutou ologa ki a Ioane i te vao, he ā te nae fia kikila koutou ki ei? He lau mutia e agina i te matagi?

Luka 7:24 ပူးပေါင်းရင်းမြစ်များ

Luka 1:80

Kua tuputupu ake te tamaiti, ma kua maua i te loto mākeke. Nae nofo lava i te vao, ke pa ki te aho na kāmata ai tana gāluega ki tagata o Ihalaelu.

Luka 3:2

ka ko Anaha ma Kaiafa nā Ulu Ohitāulaga. Ko te taimi tēnā na pa mai ai te kupu a te Atua ki a Ioane te ataliki o Hakalia, i te vao.

Luka 7:23

Amutia nā tino e hē māhalohalo mai ki a te au!”

Luka 7:25

He ā la te na olo koutou ke kikila ki ei? He tamāloa e lākei i ni lākei uiga kehe te gali? Ko nā tino e lākei i nā lākei vēnei ma ola i he ōlaga taugatā, e nonofo i nā fale o nā tupu!

Ioane 1:23

Ka kua tali atu ia Ioane i nā kupu a te pelofeta ko Ihaia: “Ko au ‘ko te leo e taukalaga i te vao: Fakahakohako he auala mo te Aliki ke kui ai!’ ”

Efeho 4:14

Ka hē toe vē ki tātou ni tamaiti e fetolifaki e nā galu ma pūhia holo i matagi vale o nā akoakoga a nā tino faitogafiti kino, iē e ki lātou takitakia iētahi tino ki te mea hehē, e ala ia lātou togafiti popoto.

2 Petelu 2:17

Ko nā tino iēnei e vē ni vaipuna kua māmaha, e vē ni ao e pūhia i he afā; kua uma te fakaavanoa e te Atua to lātou nofoaga i te mea e pito hili te loloto ma te pōgihā.

2 Petelu 3:17

Kae ko koutou te kau uho pele, kua uma te koutou iloa o te mea tēnei. Koutou la ke mataala, kae ke nahe tataki kehea ai koutou i nā hehē o tagata hē tauhi ki te tūlāfono, ma hē toe mautū lelei ai koutou.