Luka 7:14 - Tokelauan New Testament

¹⁴ Oi havali atu ai ia Iehu kua tago ki te fata e hiki ai te oti, oi tutū ai nā taulelea nae ki lātou hikia. Oi vāgana atu ai ia Iehu, “Te taumalo, ko au e lea atu ki a te koe, nofo ki luga!”

Luka 7:14 ပူးပေါင်းရင်းမြစ်များ

Maleko 5:41

Kua tago atu ia Iehu ki te lima o te tamaiti ma vāgana atu ki ei, “Tālita, kumi,” ko tona uiga, “Te Tautiti, ko au e lea atu ki a te koe, tū ki luga!”

Luka 7:13

I te kitea atuga e te Aliki te fafine, oi fakatumulia ai tona loto i te alofa, ma lea vē atu ki ei, “Koe nahe tagi.”

Luka 7:15

Na nofo ake loa ki luga te tamāloa na oti ma kāmata oi tautala, oi tuku atu ai e Iehu ki tona mātua.

Luka 7:17

Kua halalau te tala tēnei ki a Iehu, ki Iutea kātoa, vēnā foki ma nā fenua e tuākoi ki ei.

Ioane 11:25

Kua vāgana atu ia Iehu, “Ko au ko te toetū ma te ola. Ko nā tino e talitonu mai ki a te au ka ola, e ui lava e oti;

Ioane 5:21

E vē ona fakatutū e te Tamana nā tino kua oti ma fōki ki ei te ola, e vēnā foki ona fōki atu e te Ataliki te ola, ki nā tino e loto ia ke ki lātou maua.

Ioane 5:25

E takutino atu e au ki a te koutou te meamoni; e hau te taimi — kua i kinei te taimi tēnā — ka lagona ai e tagata oti te leo o te Ataliki o te Atua, ma ko nā tino e fakalogo ki ei, ka ola ki lātou.

Loma 4:17

e vē oi tūhia i te tuhituhiga paia, “Kua kō faia koe ma tamana o mālō e lahi.” Ko te folafolaga la e lelei i te kikila a te Atua, te Atua nae talitonu ki ei ia Apelaamo — te Atua e ia toe fakatutūa nā tino kua oti, ma ko tana fakatonuga e maua ai te ola e nā mea nae hēki i ei muamua.

Efeho 5:12

(Ko he mea e fakamā lele ke tautala e uiga ki nā mea e fai munimuni e ki lātou.)