Luka 6:45 - Tokelauan New Testament

⁴⁵ Ko te tino lelei, e fakaputu i tona loto nā mea lelei e vē ni koloa tāua, ma e tautala i nā kupu lelei mai te lahi o te lelei i tona loto; ko te tino kino e fakaputu i tona loto nā mea kino e vē ni koloa kino, e tautala i nā kupu kino mai te lahi o te kino i tona loto. Auā e tautala lava te gutu i nā mea e tumu ai te loto.

Luka 6:45 ပူးပေါင်းရင်းမြစ်များ

Ioane 7:38

ko ai lava e talitonu mai ki a te au, e tatau ke inu. E vē ona tūhia i te tuhituhiga paia, ‘Ko nā vaitafe o te vai e maua ai te ola, e tafe mai ki fafo i tona fatu.’ ”

Gāluega 5:3

Oi lea atu ai ia Petelu ki ei, “Anania, he ā te kua fakataga ai e koe ia Hātani ke pule ki a te koe ma kua pepelo ai koe ki te Agaga Paia, i te kua kē tāofia o he vāega o te tupe na maua mai i tō fenua?

Efeho 3:8

E ui lava ko au ko te tino ia e pito hili ona fakatauva i lo tagata uma o te Atua, kae na tuku mai te alofa tūnoa e te Atua ki a te au, ke kō tālakia ki tagata nukukehe e uiga ki nā fakamanuiaga e lahi ma hē mafai oi fuafuagia, e maua ia Keliho

Efeho 4:29

Nahe fakaaogā e koe ni kupu e ogohia ai hētahi tino, kae tautala i nā kupu e mafai ke fehoahoani ke ati ake ma maua ai ni fehoahoaniga, kae ke aogā ai autou kupu ki nā tino uma e fakalogo ki ei.

Efeho 5:19

Tautala tētahi ki tētahi i nā kupu o te Halamo, i nā pehe lotu ma i nā pehe fakateagaga; pepehe atu i nā vīkiga ki te Aliki ma outou loto kātoatoa.

Kolohe 3:16

Ko te fekau a Keliho e tatau ke mau i loto ia te koutou, ma fakaaogā te poto ke akoako ma akoaki ai tētahi e tētahi. Lagi nā halamo, nā pehe e uiga ki te ola fakateagaga; pepehe atu ki te Atua ma outou loto fakafetai.

Kolohe 4:6

Ko autou kupu e tatau ke lelei ma mālie i te fakalogo, ma e tatau ke mafai e koutou oi kavatu ni tali e hako ki ni fehili e fai atu e ho he tino.

Epelu 8:10

Kae i te taimi nei, ko tēnei te feagaiga ka kō faia ma tagata o Ihalaelu i nā aho koi hau, kua vāgana ai te Aliki: ka tuku e au aku tūlāfono ki o lātou māfaufau ma tūhia ki o lātou fatu. Ka fai au ma o lātou Atua, ma ka kavea ki lātou ma oku tagata.

Iuta 1:15

ke fakamahino ia tagata uma, ma ke fakahalagia ki lātou uma mo o lātou uiga hē mātataku i te Atua ma nā kupu kino uma na tautatala ai nā tino agahala, e teteke ai ki te Aliki.”